PROBERB 9:9 - KA BAIBL

⁹ To ai jinghikai ïa u bastad, te un nang kham stad: to hikai ïa u bahok, te un nang roi ha ka jinghikai.

Khasi CL Bible (BSI)

⁹ Kano kano kaba phi kren ïa u briew uba stad, kan pynlong ïa u ban nang kham stad. Kano kano kaba phi kren ha u briew uba hok kan nang pynroi ïa ka jingtip jong u.

PROBERB 9:9 ပူးပေါင်းရင်းမြစ်များ

PROBERB 1:5

ba u riewstad un ïohsngew, bad ba un roi ha ka jinghikai; bad ba uta uba shemphang un kot sha ki jingpyrkhat ba shongnia:

PROBERB 10:14

Ki briew ki bastad ki kynshew ïa ka jingtip: hynrei, ka shyntur jong u ba-bieit ka long ka jingpynjot kaba hajan.

PROBERB 25:12

Kum ka sohshkor ksiar, bad ka jingdeng ksiar banylla, kumta, long u nongsneng u bastad ha ka shkor kaba kohnguh.

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

2 PETROS 3:18

Hynrei, to phin nang roi ha ka jingaiei bad ka jingtip ïa U Trai bad U Nongpynim jong ngi U Jisu Khrist. Ha u, to yn long ka burom mynta ruh bad haduh ka sngi ka bymjukut: Amen.

1 ÏOANNIS 5:13

Ïa kine kiei kiei ruh nga la thoh ha phi, khnang ba phin da ïoh tip ba phi don ka jingim bymjukut, ha phi keiñ kiba ngeit ha ka kyrteng U Khun U Blei.