PROBERB 9:8 - KA BAIBL

⁸ Wat sneng pynrem ïa u nongkrenbeiñ, ïoh u shun ïa me: to sneng ïa u bastad, te un ieit ïa me.

Khasi CL Bible (BSI)

⁸ Wat ju pynbeit ïa u briew uba hangamei; un isih ïa phi na ka bynta kata. Hynrei lada phi pynbeit ïa u briew uba stad, un burom ïa phi.

PROBERB 9:8 ပူးပေါင်းရင်းမြစ်များ

1 SYIEM 1:23

Ki la ïathuh te ha u syiem, ki ïa-ong, “Ha khmih, utai u Nathan u nongïathuhlypa.” Te haba u la rung ha khmat u syiem, u la dem ngon la ka khmat sha khyndew ha khmat u syiem.

1 SYIEM 1:32

Te u syiem Dabid u la ong, “Khot ha nga ïa u Sadok lyngdoh, bad ïa u Nathan u nongïathuhlypa, bad ïa u Benaïah u khun u Jehoïada.” Kumta, ki la wan ha khmat u syiem.

1 SYIEM 22:8

Te u syiem ki Israel u la ong ha u Jehoshaphat, “Dang don sa uwei u briew da uba ngi lah ban ïakylli na U Trai, u Mikaïah u khun u Imlah: hynrei, nga isih ïa u; namar um ju ïathuhlypa ka babha shaphang jong nga, hynrei, tang ka basniew.” Te u Jehoshaphat u la ong, “Wat ai ba u syiem un ong kumta.”

SALM 141:5

Ai ba u riewhok un sympat ïa nga, kan long ka jinglehsbun; ai ba uta un sneng ïa nga, kan long kum ka umphniang halor ka khlieh; to ka khlieh jong nga kan ym kyntait ïa ka: naba wat ha ka jingsniew jong ki, ka jingduwai jong nga ka ïaineh.

PROBERB 1:5

ba u riewstad un ïohsngew, bad ba un roi ha ka jinghikai; bad ba uta uba shemphang un kot sha ki jingpyrkhat ba shongnia:

PROBERB 10:8

U bastad ha ka dohnud un pdiang ïa ki hukum: hynrei, u riewbieit blab blab un kyllon.

PROBERB 13:1

U khun u bastad u sngap ïa ka jinghikai u kpa jong u: hynrei, u nongrkhiebeiñ um sngap ïa ka jingsneng.

PROBERB 13:18

Ka jingkyrduh bad ka jinglehrain kan long ïa uba kyntait ïa ka jingsneng: hynrei, uba ñiewkor ïa ka jingsneng yn pyndonburom ïa u.

PROBERB 15:12

U nongrkhiebeiñ um ieit ban ïoh jingsneng: un ym leit sha u bastad.

PROBERB 19:25

To shoh ïa u nongrkhiebeiñ, te uta u bymsian un nang ïa ka jingsian: bad to sneng ïa uba don ka jingshemphang, te un shemphang ïa ka jingtip.

PROBERB 23:23

To thied ïa ka jingshisha, bad wat die ïa ka; ïa ka jingstad ruh, bad ïa ka jinghikai, bad ïa ka jingshemphang.

PROBERB 23:9

Wat kren ha kaba ïohsngew u babieit; naba un ñiewbeiñ ïa ka jingstad ki ktien jong me.

PROBERB 28:23

Uta uba sneng ïa u briew un kham ïoh ka jingsngewbha hadien, ban ïa uba ïaroh arsap da la u thylliej.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

ISAÏAH 36:21

Hynrei, ki la shu sngap jar, bad kim shym la phai ktien ïa u shikyntien: namar ka hukum u syiem ka la long, da kaba ong, “Wat phai ktien ïa u.”

LEBITIKOS 19:17

“ ‘Wat isih ïa la u para ha la ka dohnud: da kaba sneng men sneng ïa la u paramarjan, ba ïoh men kit hi ïa ka pop jong u.

MATHAÏOS 15:14

To iehnoh ïa ki; ki long ki nongïalam bamatlah ïa ki bamatlah. Te lada u bamatlah u ïalam ïa u bamatlah, kin ïahap baroh ar ngut ha ka thliew.”

MATHAÏOS 7:6

“Wat ai ïa ka bakhuid ha ki ksew, lymne wat bred ïa ki mawlynnai jong phi ha khmat ki sniang, ba ïoh kin ïuh ïa ki hapoh ki kjat jong ki, bad kin phai pat, kin tar ruh ïa phi.