PROBERB 9:10 - KA BAIBL

¹⁰ Ka jingsheptieng ïa U Trai ka long ka jingsdang ka jingstad: bad ka jingtip ïa uta U Bakhuid long ka jingshemphang.

Khasi CL Bible (BSI)

¹⁰ Ban long kiba stad, nyngkong phi dei ban tiengburom ïa U Trai. Lada phi tip ïa uta Uba Khuid, phi don ka jingshemphang.

PROBERB 9:10 ပူးပေါင်းရင်းမြစ်များ

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 111:10

Ka jingsheptieng ïa U Trai long ka jingsdang ka jingstad; ka jingshemphang ka babha ki don kita baroh kiba leh ïa ki: ka jingïaroh jong u ka neh junom.

SALM 34:12

Uei uta u briew uba kwah ïa ka jingim, bad uba ieit ban ïoh bun sngi, ba un ïohi ïa ka babha?

PROBERB 1:7

Ka jingsheptieng ïa U Trai ka long ka jingsdang ka jingtip: hynrei, ki babieit ki ñiewbeiñ ïa ka jingstad bad ka jinghikai.

PROBERB 2:5

kumta te men shemphang ïa ka jingsheptieng ïa U Trai, bad men shem ïa ka jingtip ïa U Blei.

PROBERB 30:3

bad ngam shym hikai ka jingstad, lymne ngam don ka jingtip ïa uta U Bakhuid.

EKLESIASTIS 12:13

Kane ka long ka jingkyllum; ïa baroh la ïohsngew: sheptieng ïa U Blei, bad sumar ïa ki hukum jong u; namar kane baroh ka long ka kamram u briew.

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.