PROBERB 8:23 - KA BAIBL

²³ La pynïeng ïa nga naduh bymjukut, naduh ka jingsdang, ha bym pat la long ka khyndew.

Khasi CL Bible (BSI)

²³ Ïa nga la thaw ha kaba sdang eh, ha kaba nyngkong, shuwa ba ka pyrthei kan sdang.

PROBERB 8:23 ပူးပေါင်းရင်းမြစ်များ

JENESIS 1:26

U Blei u la ong ruh, “To ngin ïathaw ïa u briew ha ka dur jong ngi, katba kum ka jingsyriem jong ngi hi; bad kin synshar halor ki dohkha ka duriaw, bad halor ki sim bneng, bad halor ki kynja mrad, bad halor ka pyrthei baroh, bad halor kiei kiei ki kynja bapar baroh ki bapar halor ka khyndew.”

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

PROBERB 4:7

Ka jingstad ka long kaba kongsan; to ïoh te ïa ka jingstad: bad da kiei kiei baroh kiba me don to ïoh ïa ka jingshemphang.

MIKAH 5:1

Mynta to ïalum paid ïa lade, ko ka khun ki paid: u la ap thap pyrshah ïa ngi: kin shoh ïa u nongbishar ki Israel da u diengduh ha ka ngab.

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

ÏOANNIS 1:1

Ha kaba mynnyngkong u la don U Ktien, bad uta U Ktien u la don bad U Blei, bad uta U Ktien u la long U Blei.

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

ÏOANNIS 17:5

Te mynta, ko Kpa, to pyndonburom ma me ïa nga lem bad ma lade, da kata ka burom kaba nga la don bad me, mynshuwa ba la long ka pyrthei.