PROBERB 8:17 - KA BAIBL

¹⁷ Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

Khasi CL Bible (BSI)

¹⁷ Nga ieit ïa kito kiba ieit ïa nga; kita kiba wad ïa nga kin shem ïa nga.

PROBERB 8:17 ပူးပေါင်းရင်းမြစ်များ

2 KHRONIKL 34:3

Namar ha ka baphra snem ka jingsynshar jong u, haba u dang kham khynnah, u la sdang ban wad ïa U Blei u Dabid u kpa jong u: bad ha ka snem ka bakhat-ar u la sdang ban pynkhuid ïa ka Judah bad Jerusalem na ki jaka bajrong, bad na ki Asherah, bad ki durblei ba la mut, bad ki durblei ba la saiñ.

SALM 91:14

Namar ba u la buh ïa la ka jingieit ha nga, namar kata, ngan pynim ïa u: ngan kyntiew sha jrong ïa u, namar ba u la ithuh ïa ka kyrteng jong nga.

PROBERB 1:28

Hangta kin khot kyrpad ha nga, hynrei, ngan ym phai ktien; kin wad biang biang ïa nga, hynrei, kin ym shem ïa nga:

PROBERB 2:4

lada me wad ïa ka kum ïa ka rupa, bad wad bniah ïa ka kum ïa ki spah ba la buhrieh;

PROBERB 2:5

kumta te men shemphang ïa ka jingsheptieng ïa U Trai, bad men shem ïa ka jingtip ïa U Blei.

PROBERB 4:6

Wat iehnoh noh ïa ka, te kan ri khop ïa me; to ieit ïa ka, te kan sumar ïa me.

PROBERB 8:16

Da nga ki nongsynshar ki synshar, bad ki bakhraw batri, baroh keiñ ki nongbishar jong ka khyndew.

EKLESIASTIS 12:1

To kynmaw ruh ïa la U Nongthaw ha ki sngi ka jinglong samla jong me, katba ym pat wan kita ki sngi basniew, bad ba la jan kita ki snem, haba men ong, “Ngam don ka jingsngewbha ha ki;”

JINGRWAI SOLOMON 3:4

Dang tang khyndiat ba nga la ïaid na ki, haba nga la shem ïa uta uba ka mynsiem jong nga ka ieit: nga la bat ïa u, bad ngam shym pyllait shuh ïa u, tad ynda nga la ïalam ïa u hapoh ka ïing ka kmie jong nga, bad hapoh ka pulit jong kata kaba la pun ïa nga.

ISAÏAH 45:19

Ngam shym la kren ha kaba rieh, ha ka jaka ka ri ba-dum; ngam shym la ong ha u symbai u Jakob, ‘To wad makna ïa nga’: nga U Trai nga kren ïa ka hok, nga pynbna ïa kiei kiei kiba beit.”

ISAÏAH 55:6

“Wad phi ïa U Trai katba dang lah ban shem ïa u, to kyrpad ïa u katba u dang hajan:

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

MARKOS 10:14

Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

ÏOANNIS 14:21

Uta uba don ki hukum jong nga, bad ba sumar ïa ki, uta u long uba ieit ïa nga; uta uba ieit te ïa nga, yn ieit ïa u da uta U Kpa jong nga; nga ruh ngan ieit ïa u, bad ngan pynpaw ïa lade ha u.”

ÏOANNIS 14:23

U Jisu u la ïathuh bad U la ong ha u, “Lada uno uno ruh u ieit ïa nga, un sumar ïa ka ktien jong nga: te uta U Kpa jong nga un ieit ïa u, bad ngin ïawan ha u, bad ngin ïasah bad u.

ÏOANNIS 16:27

namar uta U Kpa hi u ieit ïa phi, naba phi, phi la ieit ïa nga, bad phi la ngeit ba nga, nga la mih noh na U Blei.

ÏOANNIS 5:4

Namar u angel haba dei u la ju leit hiar ha kata ka pung sum, bad u la ju pynkhih ïa ka um: ynda kumta, jar uba la leit hiar nyngkong hadien ka jingkhih jong kata ka um, u la ïoh khiah noh na kano kano ruh ka jingpang kaba u la ju don.

ÏOANNIS 7:37

Te ha ka sngi ka bakhatduh, ka sngi ka bakhraw jong Ka Jingkhawai Niam, U Jisu u la ïeng bad u la pyrta, u da ong, “Lada uno uno ruh u sngew-sliang, ai ba un wan ha nga ba un dih ruh;

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

1 ÏOANNIS 4:19

Ngi ieit ma ngi ïa u, naba u la ieit shuwa ïa ngi.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.