PROBERB 8:13 - KA BAIBL

¹³ Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

Khasi CL Bible (BSI)

¹³ Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

PROBERB 8:13 ပူးပေါင်းရင်းမြစ်များ

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 101:3

Ngan ym buh ei ei kaba thala ha khmat ki khmat jong nga: nga isih ïa ka jingleh jong kita kiba kynriang; kan ym ïoh snoh ha nga.

SALM 119:104

Da ki hukum jong me nga ïoh ka jingshemphang: namar kata, nga isih ïa ka lynti kaba lamler baroh.

SALM 119:128

Namar kata, nga ñiew kiba dei ki hukum jong me shaphang kiei kiei baroh; bad nga isih ïa ka lynti lamler baroh.

SALM 138:6

Naba la U Trai uba hajrong, pynban, u khmih ïa u barangli: hynrei, ïa uba sarong u ithuh na jngai.

SALM 97:10

A phi kiba ieit ïa U Trai, to shun ïa ka jingsniew; u ri khop ïa ki mynsiem ki riewkhuid jong u; u pyllait ïa ki na ka kti ki bymman.

EKSODOS 1:17

Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

PROBERB 10:31

Ka shyntur u bahok ka pynmih ïa ka jingstad: hynrei, ïa u thylliej uba mutlop yn ot noh.

PROBERB 15:9

Ka lynti u bymman ka long ka jingijli ha U Trai: hynrei, u ieit ïa uta uba beh ïa ka hok.

PROBERB 16:18

Ka jingsarong ka leit ha shuwa ka jingpynjot, bad ka mynsiem basngewmeng ha shuwa ka jingkyllon.

PROBERB 16:5

U briew baroh uba sarong ka dohnud, u long ka jingijli ha U Trai: la ki ïaksoh para kti, un ym lait na ka jingpynshitom.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 3:7

Wat long u bastad ha la ka jong ka jingñiew; to sheptieng ïa U Trai, bad to kiar na ka basniew:

PROBERB 4:24

To buh noh na me ïa ka shyntur bamutlop, bad ïa ki rmiang shyntur bamutlop to buh noh sha jngai na me.

PROBERB 6:12

U briew uba thala, u briew ka jingbymhok; u ïaid bad ka shyntur kaba mutlop;

ISAÏAH 13:11

Te ngan pynshitom ïa ka pyrthei namar ka jingsniew jong ki, bad ïa ki bymman namar ka jingbymhok jong ki; ngan pynwai noh ruh ïa ka jingleh khraw jong uba sarong, bad ngan pynpoh ïa ka jingleh meng jong uba ishyrkhei.

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

AMOS 6:8

“U Trai U Blei u la smai ha lade, ong U Trai, U Blei ki paid: “ ‘Nga isih ïa ka jingleh khraw u Jakob, bad nga shun ïa ki ïingbah jong u: namar kata, ngan aiti noh ïa kane ka nongbah bad baroh kat kiba don ha ka.’ ”

SEKHARAÏAH 8:17

bad mano mano ruh na phi wat ai ba un tharai sniew ha la ka dohnud ïa la u paramarjan; bad wat ieit ïa kaba smai lamler; naba kine baroh ki long kiei kiei kiba nga isih,’ ” ong U Trai.

Ka Shithi U Paul Sha Ki Nong Rom 12:9

To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

1 THESSALONI 5:22

To phin kyndiah noh na ka kynja ka basniew baroh.

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

1 SAMUEL 2:3

Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.