PROBERB 7:7 - KA BAIBL

⁷ te nga la khmih hapdeng ki babieit, nga la ïohi hapdeng ki samla, ïa u samla uba suda ka jingshemphang,

Khasi CL Bible (BSI)

⁷ bad nga la ïohi shibun ki samla shynrang kiba shida jingmut, hynrei nga la ïohi kyrpang ïa uwei u samla uba duna ka jingsngewthuh.

PROBERB 7:7 ပူးပေါင်းရင်းမြစ်များ

Ka Kitab U Job 24:15

Ka khmat u nongklim ruh ka ap ïa ka ïongreiñ, u ong, ‘Ka khmat kawei kan ym ïohi ïa nga:’ bad u pynpher ïa la ka khmat.

SALM 119:130

Kaba plie ïa ki ktien jong me ka ai jingshai; ka pynshemphang ïa ki bashida.

SALM 19:7

Ka aiñ U Trai ka long kaba janai, kaba pynbha pat ïa ka mynsiem: ka jingphla U Trai ka long kaba skhem, kaba pynstad ïa uba shida.

PROBERB 1:22

“Slem katno, phi ki babieit, phin ieit ïa ka jingbieit? bad ba ki nongkrenbeiñ kin ïasngewbha ha ka jingkrenbeiñ, bad ba ki babieit runar kin isih ïa ka jingtip?

PROBERB 1:32

Naba ka jingkylla dien jong kiba bieit kan pynïap ïa ki, bad ka jingmanbha jong kiba bieit runar kan pynjot noh ïa ki.

PROBERB 1:4

ban ai ka jingsian ha uba shida, bad ha u samla ka jingtip bad ka jingpyrkhat:

PROBERB 10:13

Ha ki rmiang shyntur jong uba don ka jingsngewthuh ju shem ka jingstad: hynrei, u dieng sympat u don ïa ka ingdong jong uba suda ka jingshemphang.

PROBERB 12:11

Uta uba lur ïa la ka khyndew un ïoh pahuh u kpu: hynrei, uba bud ïa ki 'riewthala u suda ka jingshemphang.

PROBERB 14:15

U babieit u shu ngeit ïa ka ktien baroh: hynrei, u briew u basian u khmih bha ïa la ka jingleit.

PROBERB 14:18

Ki babieit ki ïoh kynti ïa ka jingbieit: hynrei, ïa u basian yn pynphong pansngiat da ka jingtip.

PROBERB 19:2

Ruh, ba ka mynsiem ka long khlem jingtip kam long ka babha; bad uba pynkloi da la ki kjat u leh pop.

PROBERB 19:25

To shoh ïa u nongrkhiebeiñ, te uta u bymsian un nang ïa ka jingsian: bad to sneng ïa uba don ka jingshemphang, te un shemphang ïa ka jingtip.

PROBERB 22:3

U briew u basian u ïohi ïa ka basniew, bad u buhrieh ïa lade: hynrei, u bymsian u shu nang ïaid, bad u shah shitom namar kata.

PROBERB 24:30

Nga la leit hajan ka lyngkha jong uba alhia, bad hajan ka brisoh Waiñ jong uba suda ka jingshemphang;

PROBERB 27:12

U briew u basian u ïohi ïa ka jingsniew, bad u buhrieh ïa lade: hynrei, u bymsian u shu nang ïaid, bad u shah shitom namar kata.

PROBERB 5:1

Ko khun, to shahshkor ïa ka jingstad jong nga: to pyndem ïa la ka shkor ha ka jingshemphang jong nga:

PROBERB 6:20

Ko khun, to sumar ïa ka hukum u kpa jong me, bad wat iehnoh noh ïa ka aiñ ka kmie jong me.

PROBERB 6:32

Uta uba klim bad ka kynthei u long uba suda ka jingshemphang: u leh ïa kata ka ban pynjot ïa la ka jong ka mynsiem.

PROBERB 8:5

Ko phi ki babieit, to sngewthuh ïa ka jingsian; bad phi ki babieit runar, to long ki bashemphang la ka dohnud.

PROBERB 9:16

“Jar u babieit, to un phai shane:” te ïa uta uba suda ka jingshemphang, ka ong,

PROBERB 9:4

“Jar u babieit, to un phai shane:” te uta uba suda jingshemphang, ka ong ha u,

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

MATHAÏOS 15:16

U Jisu te u la ong, “Phi ruh katta phim pat sngewthuh?