PROBERB 7:21 - KA BAIBL

²¹ Da la kaba bun ka jingkren khroh ka la pynkohnguh ïa u, da ka jingarsap ki rmiang shyntur jong ka, ka la ring bor ïa u.

Khasi CL Bible (BSI)

²¹ Kumta ka la pynshoi ïa u da ki jinglehieit jong ka, bad u la ngat ha ki ktien jali ja-um jong ka.

PROBERB 7:21 ပူးပေါင်းရင်းမြစ်များ

2 SYIEM 4:8

Te ka la jia ha kawei ka sngi, ba u Elisha u la leit poi sha Shunem, bad hangta la don ka kynthei bakhraw batri; bad ka la pynbor ïa u ban bam jingbam. Bad ka la long kumta, ba katba u leit poi nangta u ju leit rung shata ban bam jingbam.

NEHEMAÏAH 6:4

Bad ki la phah kumne sha nga saw sien; bad nga la phai ktien ïa ki kumjuh hi.

SALM 12:2

Ki kren ïa ka jingthala uwei uwei ïa la u paramarjan: da ka rmiang shyntur bashukor, bad da ka dohnud ka basynrop ki ïakren.

PROBERB 5:3

Naba ki rmiang shyntur ka kynthei nongwei ki pynjaw ïa ka ngap, bad ka shyntur jong ka, ka kham jem ban ïa ka umphniang:

PROBERB 6:24

ban sumar ïa me na ka kynthei ka basniew, na ki ktien roh u thylliej ka nongwei.

PROBERB 7:22

U bud ïa ka shisyndon, kumba leit u masi dab sha ka jingpynïap, lane kum ki nar pyndait ha ka jingpynshitom ïa kiba bieit;

PROBERB 7:5

ba kin ïoh sumar ïa me na kata ka kynthei nongwei, na kata ka nongwei kaba kren roh da la ki ktien.

LOUKAS 14:23

Uta u kynrad u la ong te ha uta u shakri, ‘Khie leit sha ki lynti bah bad ki lynti lyngkha, to pynbor ïa ki ban wan hapoh, ba yn pyndap ïa ka ïing jong nga.

LOUKAS 24:29

Te ki la kyrpad ïa U, ki da ong, “To sah bad ngi; naba ka long janmiet, bad ka sngi ka la noh.” Te U la leit hapoh ïa ka ban sah lem bad ki.

KI KAM 16:15

Te ynda la pynbaptis ïa ka, bad ïa ki ba-ha-ïing jong ka, ka la kyrpad ïa ngi, ka da ong, “Lada phi la rai ba nga long kaba ngeit ha U Trai, to wan shong ha ïing jong nga.” Ka la pynkohnguh ruh ïa ngi.

2 KORINTH 5:14

Namar ka jingieit U Khrist ka pynleh ïa ngi, da kaba ngi la kut jingmut kumne, ba lada uwei u la ïap na ka bynta baroh, kumta, kita baroh ki la ïap keiñ;

NONGBISHAR 14:17

Te ka la ïam ha khmat jong u ha kita ki hynñiew sngi, katba dang sah ka jingkhawai jong ki: bad ha ka sngi ka bahynñiew, u la pyntip ïa ka, namar ka la ïaipynsatia eh ïa u: ka te ka la pyntip ïa kata ka jingkyntip ha ki khun ki briew jong ka.

1 SAMUEL 28:23

Hynrei, um treh, bad u la ong, “Ngan ym bam.” Hynrei, ki shakri jong u, bad kata ka kynthei, ki la pynbor ïa u; bad u la shahshkor ïa ka ktien jong ki. Bad u la ïeng na ka khyndew, bad u la shong ha kata ka jingthiah.