PROBERB 6:12 - KA BAIBL

¹² U briew uba thala, u briew ka jingbymhok; u ïaid bad ka shyntur kaba mutlop;

Khasi CL Bible (BSI)

¹² Ki briew ki bymlarkam, kiba sniew ki shang kylleng ban ïathuh lamler.

PROBERB 6:12 ပူးပေါင်းရင်းမြစ်များ

SALM 10:3

Naba u bymman u kren khraw ïa ka jingkwah ka dohnud jong u, bad uba khwan u kyntait, bad u ñiewbeiñ ïa U Trai.

SALM 10:7

Ka shyntur jong u ka dap da kaba tim bad kaba shukor bad kaba banbeiñ: hapoh u thylliej jong u ka don ka jingsniew bad ka jingbymman.

SALM 101:3

Ngan ym buh ei ei kaba thala ha khmat ki khmat jong nga: nga isih ïa ka jingleh jong kita kiba kynriang; kan ym ïoh snoh ha nga.

SALM 36:3

Ki ktien ka shyntur jong u ki long ka jingbymhok bad ka jingshukor: u la wai noh ban long stad bad ban leh bha.

SALM 59:7

Ha khmih, ki jynruh da la ka shyntur; ki waitlam ki don ha ki rmiang shyntur jong ki: “Naba,” ki ong, “uei u ban ïohsngew?”

PROBERB 10:32

Ki rmiang shyntur jong u bahok ki tip kaei ka ban pdiang hun; hynrei, ka shyntur u bymman ka kren ïa ka jingmutlop.

PROBERB 11:6

Ka hok jong kiba beit kan pyllait ïa ki: hynrei, ïa kita kiba shetkylla yn pynngat ha la ka jong ka jingpynsniew.

PROBERB 16:27

U briew uba thala u pun ïa ka jingsniew: bad ha ki rmiang shyntur jong u ka don kum ka ding kaba khluit.

PROBERB 16:30

Uta uba khapbrip ïa la ki khmat, ka long ïa ka ban pun ïa kiei kiei kiba runar: uta uba kyrbam ïa la ki rmiang shyntur u pynlong ïa ka jingsniew.

PROBERB 17:4

U nongleh sniew u shahshkor ïa ki rmiang shyntur bymman; bad uba lamler u sngap ïa u thylliej uba pynsniew.

PROBERB 2:12

ïa ka ban pyllait ïa me na ka lynti ka jingsniew, na ki briew kiba kren ïa kiei kiei kiba mutlop;

PROBERB 3:32

Naba uba mutlop u long ka jingijli ïa U Trai: hynrei, ka jingrieh jong u ka don bad uba beit.

PROBERB 4:24

To buh noh na me ïa ka shyntur bamutlop, bad ïa ki rmiang shyntur bamutlop to buh noh sha jngai na me.

PROBERB 6:14

ka jingmutlop ka don ha ka dohnud jong u, u pun ïa ka basniew ha la ka sngi; u bet ïa ki jingïakajia.

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

JEREMAÏAH 24:2

Ha kawei ka shang, la don ki soh Dumbur ki babha eh, kum ki soh Dumbur ba-ih nyngkong; te ha kata kawei ka shang, la don ki soh Dumbur ki basniew eh, ïa ki bym lah bam, ki la sniew haduh katta katta.

MATHAÏOS 12:34

A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

KI KAM 20:30

bad napdeng jong phi hi ruh, ki rangbah kin ïamih kiba ïalap ïa kiei kiei ruh kiba bakla, ïa ka ban ring pah ïa ki synran hadien jong ki.

1 TIMOTHI 5:13

Bad ruh putet ki nang mlien ban long kiba alhia haba ki kyntiap na ïing sha ïing; te ym tang kiba alhia, hynrei, kiba blab blab ruh bad kiba lorni, haba ki kren ïa kiei kiei ruh ki bymdei ban kren.

JAKOB 1:21

Naba kumta, haba la buh noh bad ïa ka jingtngit baroh, bad ïa ka jingshlei ka jingbishni, to phin pdiang da ka jingjemnud ïa kata ka ktien ba la thung, kaba lah keiñ ban pynim ïa ki mynsiem jong phi.

JAKOB 3:6

Te uta u thylliej u long ka ding: kata ka pyrthei ka jingbymhok long u thylliej hapdeng ki dkhot jong ngi, uba pyntngit ïa ka met baroh kawei, bad uba wiang noh ïa ka shalyntem ka jingpynlong, bad la wiang noh ïa u hi da ka jong ka dujok.

1 SAMUEL 17:28

Te u Eliab u hynmen nyngkong jong u, u la ïohsngew haba u la kren ha kita ki briew; bad ka jingbitar u Eliab ka la meh lep ïa u Dabid, bad u la ong, “Me la wan hiar shane balei? bad me la iehnoh badno ïa kita ki khyndiat ki langbrot ha ka ri khlaw? Nga ithuh ïa ka jingsarong jong me, bad ïa ka jingrunar ka dohnud jong me; namar me la wan hiar khnang tang ba men ïohi ïa ka thma.”