PROBERB 5:22 - KA BAIBL

²² Ki jingleh bymhok jong u hi kin pynngat ïa u bymman, bad yn bat ïa u da ki tyllai ka pop jong u.

Khasi CL Bible (BSI)

²² Ki pop u riewbymman ki long ka jingriam. U ngat ha ka jingriam jong ki pop jong u hi.

PROBERB 5:22 ပူးပေါင်းရင်းမြစ်များ

1 SYIEM 18:18

U te u la ïathuh, “Nga ngam shym pynshitom ïa ki Israel; hynrei, ma me keiñ, bad ka ïing u kpa jong me, ha kaba phi la lyndet ïa ki hukum U Trai, bad ba me la leit bud ïa ki Baal.

ESTHER 9:25

hynrei, haba kata ka la wan ha khmat u syiem, u la hukum da ki shithi ba kata ka jingpyrkhat sniew, ïa kaba u la pyrkhat ïa ki Jiw, kan phai kylla halor ka khlieh jong u hi: bad ba yn phasi ïa u bad ïa ki khun jong u ha ki dieng phasi.

Ka Kitab U Job 18:8

Naba la bred ïa u ha ka jar da la ki jong ki kjat, bad u ïaid halor ki jonti.

SALM 40:12

Naba ki jingpynshitom ki bym lah ñiew shuh ki la ker kut ïa nga baroh sawdong, ki jingleh bymhok jong nga ki la lap ïa nga, katba ngam lah shuh ban khmied: ki kham bun ban ïa u shñiuh ka khlieh jong nga, bad ka dohnud jong nga ka la iehnoh ïa nga.

SALM 9:15

Kita ki jaid bynriew ki la ngam ha kata ka 'liewlep kaba ki la thaw: ha kata ka jar kaba ki la buhrieh ka la ngat ka kjat jong ki hi.

SALM 9:17

Ki bymman kin leit phai noh sha dujok, wat kita ki jaid bynriew baroh kiba klet ïa U Blei.

PROBERB 1:18

bad kine ki shu thap ïa la ka jong ka snam, ki shu ap tuh ïa la ki jong ki mynsiem.

PROBERB 11:3

Ka jinghok jong kiba beit kan ïalam ïa ki: hynrei, ka jingmutlop jong kiba shetkylla kan pynjot ïa ki.

PROBERB 11:5

Ka hok jong u bajanai kan ïalam ïa ka lynti jong u: hynrei, u bymman un kyllon da la ka jong ka jingbymman.

PROBERB 11:6

Ka hok jong kiba beit kan pyllait ïa ki: hynrei, ïa kita kiba shetkylla yn pynngat ha la ka jong ka jingpynsniew.

PROBERB 12:14

Ïa u briew yn pynhun da ka jingbha da u soh ka shyntur jong u: bad ïa ki jingleh ki kti u briew yn ai ha u.

PROBERB 14:32

Ïa u bymman la khynñiat pynkyllon ha la ka jinglehsniew: hynrei, u bahok u don ka jingkyrmen ha la ka jingïap.

PROBERB 18:7

Ka shyntur u babieit ka long ka jingpynjot jong u, bad ki rmiang shyntur jong u ki long ka jingriam ka mynsiem jong u.

PROBERB 24:12

Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

PROBERB 26:27

Jar uba tih ïa ka 'liewlep un hap ha ka: bad uta uba pyntyllun ïa u maw, un wan phai halor jong u.

EKLESIASTIS 7:26

bad nga shem ïa kaei kaei kaba kham kthang ïa ka jingïap, wat ka briew kaba ka dohnud jong ka, ka long ki jingriam bad ki jar, bad ki kti jong ka kum ki jingkhum: jar uba pynsngewbha ïa U Blei un ïohlait na ka; hynrei, ïa u nongpop yn pynngat da ka.

JEREMAÏAH 2:19

Ka jingbymman jong me hi kan pynbeit ïa me, bad ki jingphaidien jong me kin sneng ïa me: to tip namar kata bad to khmih ba ka long ka kam ka basniew bad ka bakthang, ba me la lyndet ïa U Trai U Blei jong me, bad ba ka jingsheptieng jong nga kam don ha me,” ong U Trai, U Trai ki paid.

SNGEWSYNEI 1:14

“Ïa ka lyngkor ki jingpalat jong nga la teh da ka kti jong u; la pynïadait lang ïa ki, ki la wan halor ka ryndang jong nga; u la pynduh ïa ka bor jong nga: U Trai u la ai noh ïa nga ha ki kti jong kita kiba ngam lah ban ïeng ïaleh ïa ki.

OBADAÏAH 1:15

“Naba ka sngi U Trai ka la jan ha ki jaid bynriew baroh: kumba me la leh, ïa kata yn leh ïa me; ka bainong jong me kan phai pat halor ka khlieh jong me hi.

JINGKHEIÑ 32:23

Hynrei, lada phin ym leh kumne, ha khmih, phi leh pop ïa U Trai: bad to tip skhem ruh ba ka pop jong phi kan lap ïa phi.

HEBRU 13:4

To ka jingshongkurim kan long kaba donburom hapdeng baroh, bad ka jingthiah ka bym da bit-tngit: naba ïa kiba awria bad ïa kiba klim U Blei un bishar.

NONGBISHAR 20:41

Te ki rangbah Israel ki la phai, bad ki briew Benjamin ki la lyngngoh ngaiñ: naba ki la ïohi ba ka basniew ka la lah lap ïa ki.

NONGBISHAR 9:57

bad baroh ka jingbymman ki rangbah Shekhem U Blei u la pynhiar kput halor ki khlieh jong ki: bad ka jingtim u Jotham u khun u Jerubbaal ka la wanhap halor jong ki.