PROBERB 5:21 - KA BAIBL

²¹ Namar ki lynti u briew ki don ha pyrshah ki khmat U Trai, bad u pynmadan ïa ki lynti ïaid jong u baroh.

Khasi CL Bible (BSI)

²¹ U Trai u ïohi ïa baroh kaba phi leh, kat shaba phi leit, u peit ïa phi.

PROBERB 5:21 ပူးပေါင်းရင်းမြစ်များ

2 KHRONIKL 16:9

Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

Ka Kitab U Job 14:16

Hynrei mynta, me ñiew ïa ki jingjam jong nga: hato mem ap ïa ka pop jong nga?

Ka Kitab U Job 24:23

U Blei u ai ha ki ban long ha kaba suk skhem, bad ki shaniah ha kata; bad ki khmat jong u ki ha ki lynti jong ki.

Ka Kitab U Job 31:4

Hato um ïohi ïa ki lynti jong nga, bad um kheiñ ïa ki jingjam jong nga baroh?

Ka Kitab U Job 34:21

“Naba ki khmat jong u ki ha ki lynti jong u briew, bad u ïohi ïa ki jingjam jong u baroh.

SALM 11:4

U Trai u don ha ka templ bakhuid jong u, U Trai, ka khet jong u ka ha bneng; ki khmat jong u ki khmih, ki irmat jong u ki tynjuh, ïa ki khun bynriew.

SALM 119:168

Nga la sumar ïa ki hukum bad ïa ki jingphla jong me; naba ki lynti jong nga baroh ki don ha khmat jong me.

SALM 17:3

Me la tynjuh ïa ka dohnud jong nga; me la wan-i ïa nga mynmiet; me la tynjuh ïit ïa nga, te mem shem ei ei; nga la thmu khnang ba ka shyntur jong nga kan ym palat.

PROBERB 15:3

Ki khmat U Trai ki long ha ki jaka baroh, ba u da ap khmih ïa ka basniew bad ïa ka babha.

PROBERB 4:26

To pynmadan ïa ka lynti ïaid ki kjat jong me, bad to ai ban pynskhem ïa ki lynti jong me baroh.

PROBERB 5:6

kumta ba kam shem ïa ka lynti bamadan jong ka jingim; ki lynti jong ka ki bymskhem, te kam tip ïa kata.

JEREMAÏAH 16:17

Naba ki khmat jong nga ki don ha ki lynti jong ki baroh: ym shym la buhrieh ïa ki na khmat jong nga, lymne ym shym buhrieh ïa ka jingleh bymhok jong ki na ki khmat jong nga.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

JEREMAÏAH 23:24

U lah uno uno ban buhrieh ïa lade ha ki jaka barieh ba ngan ym ïohi ïa u?” ong U Trai. “Nga ngam dap ïa ka bneng bad ïa ka khyndew,” ong U Trai.

JEREMAÏAH 29:23

namar ki la leh ïa ka jingbieit ha Israel, bad ki la klim bad ki tnga ki paramarjan jong ki, bad ki la kren ki ktien lamler ha ka kyrteng jong nga, ïa kiba ngam shym la hukum ïa ki; te nga long ma nga uba tip, bad nga long u sakhi,” ong U Trai.

JEREMAÏAH 32:19

u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

HOSIA 7:2

Kim pyrkhat ruh ha la ki dohnud ba nga kynmaw ïa ka jingbymman jong ki baroh: mynta, ki jingleh jong ki hi ki la ker kut ïa ki; ki don ha khmat jong nga.

HEBRU 4:13

Bad ym don ka jingthaw ba khlem paw ha khmat jong u; hynrei, kiei kiei baroh ki long lyngkhuit bad kiba paw pyrshah ha ki khmat jong u, bad uba ngi ïadonkam.

JINGPYNPAW 2:18

“Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.