PROBERB 5:2 - KA BAIBL

² ba men ïoh ri khop ïa ka jingsian, bad ba ki rmiang shyntur jong me kin bat ïa ka jingtip.

Khasi CL Bible (BSI)

² Te phin sa nang kumno ban leh donakor, bad ki ktien jong phi kin pynpaw ba phi don ka jingtip.

PROBERB 5:2 ပူးပေါင်းရင်းမြစ်များ

SALM 119:13

Da la ki rmiang shyntur nga la pynbna ïa ki jingbishar ka shyntur jong me baroh.

SALM 45:2

Me kham bhabriew ïa ki khun bynriew: ïa ka jingaiei la theh sha ki rmiang shyntur jong me: namar kata, U Blei u la kyrkhu ïa me ha la ka rta.

SALM 71:15

Ka shyntur jong nga kan ïathuh shaphang ka hok jong me, bad shaphang ka jingpynim jong me baroh shi sngi; namar ngam tip shuh ïa ki jingkheiñ jong ki.

PROBERB 10:21

Ki rmiang shyntur jong u bahok ki bsa ïa kiba bun: hynrei u babieit u ïap namar ba kyrduh jingshemphang.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 15:7

Ki rmiang shyntur jong u bastad ki pynphriang ïa ka jingtip: hynrei, ka dohnud u babieit kam leh kumta.

PROBERB 16:23

Ka dohnud u bastad ka hikai ïa ka shyntur jong u, bad ka pynlang ïa ka jinghikai ha ki rmiang shyntur jong u.

PROBERB 20:15

Don ka ksiar, bad kyrhai ki maw Rubi: hynrei, ki rmiang shyntur ka jingtip, ki long u mawlynnai bakordor.

PROBERB 3:21

Ko khun, wat ai ba kin leit noh na ki khmat jong me; to bat ïa ka jingstad kaba shisha bad ka jingsian;

JINGRWAI SOLOMON 4:11

Ki rmiang shyntur jong pha, ko ka nongteh kurim jong nga, ki jaw kum ka rewngap: ka ngap bad ka dud ki don hapoh u thylliej jong pha; bad ka jingiw ki jaiñkup jong pha ka long kum ka jingiw u Lebanon.