PROBERB 4:5 - KA BAIBL

⁵ to pynïoh ïa ka jingstad, to pynïoh ïa ka jingshemphang; wat klet ïa ka, lymne wat phai noh na ki ktien ka shyntur jong nga:

Khasi CL Bible (BSI)

⁵ A to ïoh ïa ka jingstad bad ka jingshemphang! Wat klet lane leh bymsuidñiew ïa ki ktien jong nga.

PROBERB 4:5 ပူးပေါင်းရင်းမြစ်များ

2 KHRONIKL 34:2

Te u la leh ïa kata kaba dei ha khmat U Trai, bad u la ïaid ha ki lynti u Dabid u kpa jong u, bad um shym la phai bakla sha kamon ne sha kadiang.

Ka Kitab U Job 23:11

Ka kjat jong nga ka la bud thik ïa ki jingjam jong u; nga la sumar ïa ka lynti jong u, bad ngam shym kiar noh.

SALM 119:157

Ki nongbehbeiñ ïa nga bad ki nongïaleh pyrshah ïa nga ki bun; hynrei, ngam shym kiar na ki jingphla jong me.

SALM 119:51

Kiba sarong ki la rkhiebeiñ ïa nga shibun: pynban, ngam shym kiar na ka aiñ jong me.

SALM 44:18

Ka dohnud jong ngi kam shym phai dien noh, lymne ki jingjam jong ngi kim shym bakla na ka lynti jong me;

PROBERB 16:16

Katno ka kham bha ban ïoh ïa ka jingstad ban ïa ka ksiar! bad kaba ïoh ïa ka jingshemphang ka kham dei ban jied ban ïa ka rupa.

PROBERB 17:16

Balei ba ka dor ka don ha ka kti u babieit ban thied ïa ka jingstad, haba um don ka jingshemphang?

PROBERB 18:1

Uta uba pynkyrpang ïa lade u wad ïa la ka jong ka jingkwah, bad un bitar lep ïa ka jingstad kaba shisha baroh.

PROBERB 19:8

Uba ïoh ïa ka jingstad u ieit ïa la ka jong ka mynsiem: uta uba bat ïa ka jingshemphang un shem ïa ka babha.

PROBERB 23:23

To thied ïa ka jingshisha, bad wat die ïa ka; ïa ka jingstad ruh, bad ïa ka jinghikai, bad ïa ka jingshemphang.

PROBERB 3:1

Ko khun, wat klet ïa ka aiñ jong nga; hynrei, ka dohnud jong me to kan sumar ïa ki hukum jong nga:

PROBERB 4:7

Ka jingstad ka long kaba kongsan; to ïoh te ïa ka jingstad: bad da kiei kiei baroh kiba me don to ïoh ïa ka jingshemphang.

PROBERB 8:5

Ko phi ki babieit, to sngewthuh ïa ka jingsian; bad phi ki babieit runar, to long ki bashemphang la ka dohnud.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.