PROBERB 4:4 - KA BAIBL

⁴ Te u la hikai ïa nga, bad u la ong ha nga, “To ka dohnud jong me kan bat ïa ki ktien jong nga; sumar ïa ki hukum jong nga, bad to im:

Khasi CL Bible (BSI)

⁴ I ju ong, “Kynmaw bha ïa kaba nga ong bad wat klet ïa ka lano lano ruh. Leh kumba nga ong ïa phi, bad phin im.

PROBERB 4:4 ပူးပေါင်းရင်းမြစ်များ

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

SALM 119:11

Nga la ri khop ïa ka ktien jong me ha la ka dohnud, khnang ba ngan ym leh pop ïa me.

SALM 119:144

Ki jingphla jong me ki long ki bahok junom: to ai ka jingshemphang ïa nga, te ngan im.

SALM 119:168

Nga la sumar ïa ki hukum bad ïa ki jingphla jong me; naba ki lynti jong nga baroh ki don ha khmat jong me.

PROBERB 22:6

To hikai ïa u khynnah ha ka lynti ba u dei ban leit, te un ym kynriah na ka wat haba u la tymmen.

PROBERB 23:26

Ko khun, to ai ha nga ïa ka dohnud jong me, bad to ai ba ki khmat jong me kin sngewbha ha ki lynti jong nga.

PROBERB 3:1

Ko khun, wat klet ïa ka aiñ jong nga; hynrei, ka dohnud jong me to kan sumar ïa ki hukum jong nga:

PROBERB 3:2

naba ïa ka jingslem ki sngi, bad ki snem ka jingim, bad ka jingsuk, kin pynlang ha me.

PROBERB 7:2

To sumar ïa ki hukum jong nga bad to im; bad ïa ka aiñ jong nga kum i briew khmat jong me.

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

JEREMAÏAH 38:20

Hynrei, u Jeremaïah u la ong, “Kin ym aiti noh ïa me. To kohnguh, nga kyrpad ïa me, ïa ka ktien U Trai, ha kata kaba nga kren ha me: kumta kan long bha bad me, bad ka mynsiem jong me kan im.

ÏOANNIS 12:50

Te nga tip ba kata ka hukum jong u, ka long ka jingim bymjukut. Namar kata, kiei kiei ruh ïa kiba nga kren, kumba uta U Kpa u la ong ha nga, kumta keiñ nga kren.”

EPHESOS 6:4

Phi ruh ki kpa, to wat pynbitar ïa la ki khun; hynrei, to bsa pjiah ïa ki ha ka jinghikai bad ka jingsneng U Trai.

DEUTERONOMI 4:9

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;

DEUTERONOMI 6:6

Bad to ai ba kine ki ktien, ïa kiba nga hukum ïa me ha kane ka sngi, kin ïalong ha ka dohnud jong me:

2 TIMOTHI 1:5

haba nga la kynmaw ïa kata ka jingngeit bakhlem arsap kaba ha me, kaba la shong nyngkong ha ka kiaw jong me ka Lois, bad ka kmie jong me ka Ïuniki; bad nga ngeit skhem, ha me ruh.

2 TIMOTHI 3:15

bad ba na myndang khunlung me la tip ïa kita Ki Jingthoh Bakhuid, kiba lah ban pynstad ïa me sha ka jingpynim da ka jingngeit kaba ha U Khrist Jisu.

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

NONGBISHAR 13:12

U Manoah u la ong te, “Mynta ai ba yn pyndep ïa ki ktien jong me: kaba kumno ka jinglong uta u khynnah, bad kaei kan long ka kam jong u?”