PROBERB 4:18 - KA BAIBL

¹⁸ Hynrei, ka lynti jong u bahok ka long kum ka jingshai ka batyngshaiñ, kaba nang tyngshaiñ nang tyngshaiñ haduh kaba janai ka sngi.

Khasi CL Bible (BSI)

¹⁸ Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

PROBERB 4:18 ပူးပေါင်းရင်းမြစ်များ

2 SAMUEL 23:4

uta un long kum ka jingshai mynstep, haba ka sngi ka dang mih, ka step ka bymdon lyoh; mynba u phlang ba dang lung u mih na khyndew, da ka jingtyngshaiñ basngur hadien u slap.’

Ka Kitab U Job 11:17

bad ka jingim jong me kan kham phyrnai ban ïa kaba shiteng sngi; la la don ka jingdum ruh, kan long kum kaba mynstep keiñ.

Ka Kitab U Job 17:9

U bahok un ïaineh pynban, bad uta u bakhuid la ki kti un nang khlaiñ nang khlaiñ.

Ka Kitab U Job 23:10

Hynrei, u ithuh ïa ka lynti ba nga ïaid; ynda u la tynjuh ïa nga, ngan mih noh kum ka ksiar.

SALM 84:7

Ki ïaleit na ka bor sha ka bor, uwei uwei baroh u paw ha khmat U Blei ha Seïon.

SALM 97:11

La bet ïa ka jingshai ïa ki bahok, bad ïa ka jingkmen ïa kiba beit la ka dohnud.

PROBERB 13:9

Ka jingshai u bahok ka shadkmen: hynrei, ïa ka sharak jong u bymman yn pynlip noh.

PROBERB 15:24

Ha u bastad ka lynti ka jingim ka kiew artet, ba un ïoh kiar na ka jingtep kaba shapoh.

PROBERB 2:20

khnang ba men ïaid ha ka lynti ki briew ki babha, bad ba men sumar ïa ki lynti ïaid jong ka hok.

PROBERB 2:9

Ynda kumta, men sngewthuh ïa ka hok bad ïa ka jingbishar, ïa ka jingbeit, bad ïa ka lynti babha baroh.

ISAÏAH 26:7

Ka lynti ki bahok ka long ka jingbeit: ma me uba beit, me ju ïalam ïa ka lynti jong u bahok.

DANIEL 12:3

Bad kita ki bastad, kin tyngshaiñ kum ka jingshai ka sahit bneng; bad kita kiba pynkylla bun sha ka hok kum ki khlur junom la junom.

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

MATHAÏOS 5:14

“Phi, phi long ka jingshai ka pyrthei. Ym lah ban buhrieh ïa ka shnong ïa kaba la buh halor u lum.

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 5:45

ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok.

ÏOANNIS 8:12

Ynda kumta, U Jisu u la ïathuhkhana pat ha ki, u da ong, “Nga long U Jingshai jong ka pyrthei: uta uba wan bud ïa nga, un ym ïaid ha ka ba-dum, hynrei, un ïoh ka jingshai jong ka jingim.”

2 KORINTH 3:18

Hynrei, ma ngi baroh da ka khmat khlem da kah noh, da kaba ngi khmih shai kumba ha ka ïit ïa ka burom U Trai, la nang pynkylla nang pynkylla dur ïa ngi sha kata kajuh hi ka dur na ka burom sha ka burom, kumba na U Trai uba U Mynsiem.

PHILIPPI 2:15

ba phin ïoh long kiba khlem jingrem bad kiba lui lui, ki khun U Blei kiba khlem kynnoh pop hapdeng ka pateng bynriew ka bakynriang bad bamutlop; hapdeng kita, la ïohi ïa phi kum ki jingshai ha ka pyrthei,

2 PETROS 1:19

Bad ngi don kata ka ktien ka jingïathuhlypa ba la kham pynskhem; ha kaba phi leh bha haba phi pynshahshkor ïa ka, kumba ha ka sharak batyngshaiñ ha ka jaka ba-dum, tad ynda kan mih ka sngi, bad u 'lurshai un da mih ha ki dohnud jong phi:

2 PETROS 3:18

Hynrei, to phin nang roi ha ka jingaiei bad ka jingtip ïa U Trai bad U Nongpynim jong ngi U Jisu Khrist. Ha u, to yn long ka burom mynta ruh bad haduh ka sngi ka bymjukut: Amen.

JINGPYNPAW 21:23

Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot.

JINGPYNPAW 22:5

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.

NONGBISHAR 5:31

“Kumta ai kin jot ki nongshun jong me baroh, A Trai: hynrei, ai ba kita kiba ieit ïa U kin long kum ka sngi haba ka dang ïeng ha ka bor jong ka.” Ka ri te ka la suk sawphew snem.