PROBERB 4:17 - KA BAIBL

¹⁷ Namar ki bam ïa u kpu ka jingbymman, bad ki dih ïa ka Waiñ ka jingleh-jubor.

Khasi CL Bible (BSI)

¹⁷ Ka jingleh bymman bad ka jingleh jubor ki long kum ka bam ka dih ïa ki.

PROBERB 4:17 ပူးပေါင်းရင်းမြစ်များ

SALM 14:4

Hato baroh ki nongkam bymman kim don ka jingtip? kiba bam duh ïa ki briew jong nga kumba ki bam kpu, bad ki bymkhot kyrpad ïa U Trai.

PROBERB 13:2

U briew un bam ïa ka babha na u soh ka shyntur jong u: hynrei, ka mynsiem u nongshetkylla kan bam ïa ka jingleh-jubor.

PROBERB 20:17

U kpu ka jingshukor u bang ïa u briew; hynrei, hadien, ïa ka shyntur jong u yn pyndap da u shyiap.

PROBERB 9:17

“Ki um tuh kiba thiang, bad u kpu ba la bam harieh uba bang.”

ISAÏAH 5:18

Kordit ïa kita kiba ring ïa ka jingbymhok da ki ksai jingthala, bad ïa ka pop kumba da u tyllai kali:

ISAÏAH 5:20

Kordit ïa kita kiba khot ka babha ïa ka basniew, bad ka basniew ïa ka babha; kiba buh ka ba-dum ïa ka bashai, bad ka bashai ïa ka ba-dum; kiba buh kaba kthang ïa kaba thiang, bad kaba thiang ïa kaba kthang.

JEREMAÏAH 9:4

“To uwei uwei baroh un sumar na la u paramarjan, bad to wat shaniah ha uno uno u para: namar man u para un ïashukor naduh haduh, bad man u paramarjan un ïaid kylleng da ki jingkren siar.

MIKAH 3:5

“Kumne u ong U Trai shaphang kita ki nongïathuhlypa kiba pynbakla ïa ki briew jong nga: kiba dait da la ki bniat bad kiba pyrta, ‘Ka jingsuk’; bad kat u bym ai bam ha ki, ki khreh ïa ka thma ïa u.

MIKAH 6:12

Naba kita ki bariewspah jong ka ki dap da ka jingleh-jubor, bad kita kiba shong ha ka ki la kren ïa ka lamler, bad u thylliej jong ki u long uba shukor ha ka shyntur jong ki.

MIKAH 7:3

Ki kti jong ki, ki ha ka basniew ïa ka ban leh biang biang ïa ka; u syiem u pan, bad u nongbishar u kloi ban bamsap; bad u bakhraw batri u kren ïa ka bymman ha la ka mynsiem; kumne ki thain lang ïa ka.

SEPHANAÏAH 3:3

Ki syiem jong ka hapoh jong ka ki long ki sing kiba kyrhuh; ki nongbishar jong ka ki long ki suri mynmiet; kim pynsah ei ei haduh lashai.

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.