PROBERB 4:13 - KA BAIBL

¹³ To bat skhem ïa ka jinghikai; wat pyllait ïa ka: to sumar khop ïa ka; naba ka long ka jingim jong me.

Khasi CL Bible (BSI)

¹³ Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

PROBERB 4:13 ပူးပေါင်းရင်းမြစ်များ

JENESIS 32:26

Bad uta u la ong, “To pyllait noh ïa nga, naba kan sa shai byrngut.” Hynrei, u la ïathuh, “Ngan ym pyllait ïa me lymda me da kyrkhu keiñ ïa nga.”

PROBERB 10:17

U long ha ka lynti ka jingim jar uba sngap ïa ka jingsneng; hynrei, uta uba lyndet ïa ka jingsneng, u bakla.

PROBERB 23:23

To thied ïa ka jingshisha, bad wat die ïa ka; ïa ka jingstad ruh, bad ïa ka jinghikai, bad ïa ka jingshemphang.

PROBERB 3:18

Ka long u dieng ka jingim ïa kita kiba shim bat ïa ka: bad suk uwei uwei baroh uba bat ri ïa ka.

PROBERB 3:22

kumta, kin long ka jingim ïa ka mynsiem jong me, bad ka jingitynnad ïa ka ryndang jong me.

PROBERB 6:23

Namar kata ka hukum ka long ka sharak; bad kata ka aiñ ka long ka jingshai; bad ki jingsneng ka jinghikai ki long ka lynti ka jingim:

PROBERB 8:35

Naba jar uba shem ïa nga u shem ïa ka jingim, bad un ïoh ka jingisynei na U Trai.

EKLESIASTIS 7:12

Namar ka jingstad ka long ka jingïada, kumba ka spah ka long ka jingïada: hynrei, ka jingkordor ka jingtip ka long, ba ka jingstad ka ri ïa ka jingim jong uta uba don kata.

JINGRWAI SOLOMON 3:4

Dang tang khyndiat ba nga la ïaid na ki, haba nga la shem ïa uta uba ka mynsiem jong nga ka ieit: nga la bat ïa u, bad ngam shym pyllait shuh ïa u, tad ynda nga la ïalam ïa u hapoh ka ïing ka kmie jong nga, bad hapoh ka pulit jong kata kaba la pun ïa nga.

ÏOANNIS 6:63

Ka long ka mynsiem kaba pynim: ka doh kam pynmyntoi ei ei ruh em. Kita ki ktien kiba nga la kren ha phi, ki long ka mynsiem, bad ki long ka jingim.

ÏOANNIS 6:68

Ynda kumta, u Simon Petros u la ïathuh ha U, “Ko Trai, dei hano pat ngin ïaleit? me, me don ki ktien ka jingim bymjukut,

KI KAM 11:23

uba haba u la poi, bad ba u la ïohi ïa ka jingaiei ka jong U Blei, u la sngewkmen, bad u la kyntu ïa ki baroh, ba da ka jingthmu skhem ka dohnud kin snoh ha U Trai:

KI KAM 2:42

Bad ki la ïaineh skhem ha ka jinghikai jong ki apostol, bad ha ka jingïasyllok, bad ha kaba kdiah kpu, bad ha ki jingduwai de.

DEUTERONOMI 32:47

Naba kane kam long ka ktien bathala ïa phi; namar ki long ka jingim jong phi, da kane ka ktien ruh, phin pynslem ïa ki sngi ka rta jong phi ha kata ka ri, sha kaba phi ïaleit sha shiliang ka Jordan ban ïoh ïa ka.”

1 THESSALONI 5:21

Da bishar ïa kiei kiei baroh; bat skhem ïa kata ka babha.

HEBRU 2:1

Naba kumta, ka dei ïa ngi ban ïakham pynshahshkor ïa kita kiei kiei ruh ïa kiba la ïohsngew, ïoh ba kumno re kumno ngi tuid noh na ki.

JINGPYNPAW 12:11

Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.