PROBERB 30:9 - KA BAIBL

⁹ ïoh ba ngan sngewdap, bad ba ngan len ïa me, bad ngan ong, “U Trai u long uei?” lane ïoh ba ngan duk, bad ba ngan tuh, bad pyndonkambeiñ ïa ka kyrteng U Blei jong nga.

Khasi CL Bible (BSI)

⁹ Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

PROBERB 30:9 ပူးပေါင်းရင်းမြစ်များ

SALM 125:3

Naba u dieng synshar ka jingleh bymman un ym neh ha ka jingïoh kynti jong ki bahok; ba ki bahok kin ym kner ïa la ki kti sha ka jingbymman.

EKSODOS 20:7

“Men ym ong thala ïa ka kyrteng U Trai U Blei jong me; naba U Trai un ym pynksan ïa uba ong thala ïa ka kyrteng jong u.

EKSODOS 5:2

Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

PROBERB 29:24

Jar uba ïabynta lem bad u nongtuh u isih ïa la ka jong ka mynsiem: u ïohsngew ïa ka jingpynsmai te um kren ei ei.

ISAÏAH 59:13

kaba ryngkang bad kaba len ïa U Trai, bad kaba kynriah noh na kaba bud ïa U Blei jong ngi, kaba kren banbeiñ bad kaba ïaleh pyrshah, kaba pun bad kaba kren na ka dohnud ki ktien lamler.

JEREMAÏAH 2:31

A ka pateng bynriew, to khmih phi ïa ka ktien U Trai. Hato nga la long ka ri khlaw ha u Israel? Lane ka ri ka jingdum tliw tliw? Balei u paidlang jong nga u ong, ‘Ngi la lait war; ngin ym wan shuh ha me?’

JEREMAÏAH 5:12

“Ki la len ïa U Trai, bad ki la ong, ‘Kam dei ma u; lymne ka basniew kan ym ngat ha ngi; lymne ngin ym ïohi ïa ka waitlam lymne ïa ka 'nemsniew;

ESEKIEL 23:35

Namar kata, kumne u ong U Trai U Blei: “Namar ba pha la klet ïa nga, bad ba pha la bred ïa nga shadien jong pha, namar kata, pha ruh to kit ïa la ka jingawria bad ïa la ki jingleh nuti.”

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:30

U syiem u la ïathuh bad u la ong, “Hato kane kam long ka Babilon bakhraw, ïa kaba nga la tei ma nga ban long ka jaka shong syiem, da ka jingkhraw ka bor jong nga bad na ka bynta ka nam ka burom jong nga?”

HOSIA 13:6

Katba kum ki jaka bam phlang jong ki, kumta la pynkdang ïa ki; la pynkdang ïa ki, bad ïa ka dohnud jong ki la pynkyntiew: namar kata, ki la klet ïa nga.

LEBITIKOS 5:1

“ ‘Lada u briew u da leh pop, da kaba u ïohsngew ïa ka ktien ka jingsmai, haba u da long hi u sakhi, lada kaba u ïohi lane da kaba u ïoh tip, khlem da ïathuh, haba kumta, un kit hi ïa la ka pop.

MATHAÏOS 26:72

U la len pat ruh da kaba smai, “Ngam ithuh ïa uta u briew.”

MATHAÏOS 26:74

Ynda kumta, u la sdang ban tim ban smai ruh, “Ngam ithuh ïa uta u briew.” Te kumne kumne ruh u la riew u syiar.

DEUTERONOMI 31:20

Namar ynda ngan wallam ïa ki sha kata ka ri ïa kaba nga la smai ha ki kpa jong ki, kaba tuid da ka dud bad ka ngap; bad ba kin bam, bad kin kdang ruh, bad ba kin man sngaid ruh; te kumta, kin ïaphai noh sha kiwei pat ki blei, bad kin shakri ïa ki, bad kin pynbitar ruh ïa nga, bad kin pynkheiñ ïa ka jutang jong nga.

DEUTERONOMI 32:15

“Hynrei, u Jeshurun u la man sngaid, bad u la kynjat: me la man sngaid, me la dap, me la khleiñ ruh: ynda kumta, u la kyntait noh ïa U Blei uba la thaw ïa u, bad u la ñiewbeiñ ïa U Mawsiang ka jingpynim jong u.

JOSHUA 24:27

Bad u Joshua u la ong ha uta u paidbah baroh, “Ha khmih, une u maw u long sakhi ïa ngi; namar u la ïohsngew ïa ki ktien U Trai baroh ïa kiba u la kren ha ngi: namar kata, un long u sakhi ïa phi, ïoh ba phin len ïa la U Blei.”