PROBERB 30:8 - KA BAIBL

⁸ to pynkynriah sha jngai na nga ïa ka jingthala bad ki jinglamler: wat ai ïa nga lymne ka jingkyrduh lymne ka spah; to bsa ïa nga da ka jingbam kat ban biang ïa nga:

Khasi CL Bible (BSI)

⁸ Pyllait ïa nga na ka jingshukor bad shah ïa nga ban ym riewspah lane duk. Kumta ai ïa nga ka jingbam kat ban biang ïa nga.

PROBERB 30:8 ပူးပေါင်းရင်းမြစ်များ

JENESIS 28:20

Ynda kumta, u Jakob u la kular skhem ïa ka kular, u da ong, “Lada U Blei un long ryngkat bad nga, bad un sumar ïa nga ha kane ka lynti ha kaba nga nang leit, bad un ai ha nga ïa u kpu ban bam, bad ïa ki jaiñkup ban kup,

2 SYIEM 25:30

Te ïa ka bynta jong u, ka bynta kaba borabor la ju ai ha u da u syiem, man la ka sngi shi bynta, baroh ki sngi ka jingim jong u.

Ka Kitab U Job 23:12

Ngam shym phai dien na ki hukum ki rmiang shyntur jong u nga la kham kynshew ïa ki ktien ka shyntur jong u; ban ïa la ka jingbam ba-donkam.

SALM 119:29

To pynkynriah noh na nga ïa ka lynti ka jinglamler: bad to ai sngewbha ha nga ïa ka aiñ jong me.

SALM 119:37

To pynphai noh ïa ki khmat jong nga na kaba khmih ïa ka jingthala, bad pynim ïa nga ha ki lynti jong me.

EKSODOS 16:15

Te haba ki khun Israel ki la ïohi ïa ka, ki la ïa-ong paralok hi, “Ka manna?” naba kim tip kaei ka long. Te u Moses u la ong ha ki, “Une uta u kpu ïa uba U Trai u la ai ha phi ba phin bam.

EKSODOS 16:18

Te haba ki la ïathew ïa ka ha ka omer, uta uba la lum kham bun um shym la don kaba tam, uta ruh uba la lum kham khyndiat um shym la duna; ki la lum uwei uwei baroh katba u donkam keiñ.

EKSODOS 16:29

Phi ïohi ba U Trai u la ai ha phi ïa ka Sabbaton, namar kata, u la ai ha phi ha ka sngi ka bahynriew ïa kaba ar sngi u kpu; to shong uwei uwei u briew ha la ka jaka, ha ka sngi ka bahynñiew, to wat ai ban mih mano mano ruh na la ka jaka.”

EKSODOS 16:35

Ki khun Israel te ki la ïabam ïa ka manna sawphew snem, tad ynda ki la ïawan poi sha ka ri kaba shong briew; ki la ïabam keiñ ïa ka manna tad ynda ki la ïawan poi sha ki rud ka ri Kanaan.

PROBERB 13:5

U briew u bahok u isih ïa kaba lamler: hynrei, u briew bymman u long uba isih, bad un poi sha kaba lehrain.

PROBERB 21:6

Kaba ïoh ïa ki jingkynshew da u thylliej uba lamler ka long ka jynhaw ba la beh shane bad shawei; kiba wad ïa ki, ki wad ïa ka jingïap.

PROBERB 22:8

Uba bet ïa ka jingbymhok un ïoh ot ïa ka jingjynjar: bad u dieng ka jingbitar jong u un duh noh.

PROBERB 23:5

Hato men buh ïa la ki khmat ha kata ka bymlong? Naba shisha ka spah ka pynlong thapniang ïa lade, kum ka pukni kaba her sha bneng.

PROBERB 30:7

Ar tylli kiei kiei nga la pan na me; wat kyrngah ïa ki ha nga katba ngam pat ïap:

EKLESIASTIS 1:2

“Ka jingthala jong ki jingthala,” ong u Nongïathuhkhana; “ka jingthala jong ki jingthala, baroh ka long kaba thala.”

ISAÏAH 5:18

Kordit ïa kita kiba ring ïa ka jingbymhok da ki ksai jingthala, bad ïa ka pop kumba da u tyllai kali:

ISAÏAH 59:4

Ym don uba mudui ha ka hok, lymne uba ïasaid ha ka jingshisha: ki shaniah ha kaba thala, bad ki kren lamler, ki pun ïa ka jingpynsniew, bad ki kha ïa ka jingleh bymhok.

JEREMAÏAH 37:21

Te u Sedekaïah syiem u la hukum, bad ki la set ïa u Jeremaïah ha ka phyllaw jong ki nongap phira, bad ki la ai ïa u man la ka sngi uwei u kpu na Ka Lynti Bah Ki Nongshet Kpu, haduh ba u kpu baroh ha kata ka shnong la lut. Kumne u Jeremaïah u la sah ha ka phyllaw ki nongap phira.

JEREMAÏAH 52:34

Bad shaphang ka jingïoh jong u, la don ka jingïoh kaba borabor ba la ai ïa u na u syiem ka Babilon, ka bynta ha la ka sngi ka sngi haduh ka sngi ka jingïap jong u, baroh ki sngi ka rta jong u.

MATHAÏOS 6:11

To ai ha ngi mynta ka jingbam jong ngi kaba ha la ka sngi ka sngi.

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

LOUKAS 11:3

Ai ha ngi ha la ka sngi ka sngi ïa ka jingbam jong ngi kaba biang.

ÏOANNIS 2:8

Ynda kumta, u ong ha ki, “To tong mynta, to rah ruh ha u nongsynshar ka jingkhawai.” Te ki la wallam.

KI KAM 14:15

ki da ong ruh, “Ko rangbah, balei phi leh ïa kine kiei kiei ruh! Ngi ruh ngi long tang ki briew kiba kum phi hi, bad ngi ïathuhkhana babha ha phi ba phin phai noh na kine ki jingmane thala sha U Blei u ba-im, uba la thaw ïa ka bneng, bad ïa ka khyndew, bad ïa ka duriaw, bad ïa kiei kiei baroh kiba don ha ki.