PROBERB 30:4 - KA BAIBL

⁴ Uei uba la kiew artet sha bneng, bad ba la hiar? Uei ba la lum ïa ka lyer ha la ki kti ba la kham? Uei ba la tehsong ïa ki um ha la ka jaiñkup? Uei ba la pynskhem ïa baroh ki bakut ka khyndew? Kaei ka kyrteng jong u, bad kaei ka kyrteng u khun jong u, lada me tip?

Khasi CL Bible (BSI)

⁴ Uei uba la ju long kynrad ïa ka jingtip ba kynja bneng? Uei uba la ju kham ïa ka lyer ha la ka kti? Lane uba la tehsong ïa ka um ha ka jaiñ lyngkhot? Lane uba la pynskhem ïa ki pud jong ka pyrthei? U dei uei lada phi tip? Uei u khun jong u?

PROBERB 30:4 ပူးပေါင်းရင်းမြစ်များ

JENESIS 32:29

Bad u Jakob u la kylli ïa u, bad u la ong, “To ïathuh, nga kyrpad ïa me, ïa ka kyrteng jong me.” U te u la ong, “Balei ba me kylli ïa kane shaphang ka kyrteng jong nga?” Bad hangta hi u la kyrkhu ïa u.

Ka Kitab U Job 11:7

“Me lah ma me da kaba wad ban shem ïa U Blei? Me lah ban shem ïa U Badonbor Baroh haduh kaba janai?

Ka Kitab U Job 11:8

Ka jrong kat ka bneng; me lah leh aïu ma me? Kham jylliew ban ïa ka jaka shong riewïap; me lah ban tip aïu ma me?

Ka Kitab U Job 26:8

U thep khop ïa ki um ha la ki lyoh barben; bad uta u lyoh um kad hapoh jong ki.

SALM 135:7

U pynkyntiew ïa ki jynhaw na ki bakut ka khyndew; u pynlong ki leilieh ïa u slap; u pynmih ïa ka lyer na ki jingkynshew jong u.

SALM 2:7

“Ngan pynbna ïa ka hukum:” U Trai u la ong ha nga, “Me, me long u khun jong nga; ha kane ka sngi nga la pynkha ïa me.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 24:2

Naba u la seng ïa ka halor ki duriaw, bad u la pynskhem ïa ka halor ki jingshlei.

SALM 68:18

Me la kiew sha jrong, me la ïalam mraw ïa ka jinglongmraw, me la pdiang ïa ki jingai hapdeng ki briew, wat hapdeng kiba kiat ruh, ba U Trai U Blei un ïoh shong bad ki.

EKSODOS 15:10

Me la pyrsad da ka lyer jong me, ka duriaw ka la tyllep ïa ki: ki la ïangam kum ka sisa ha kita ki um bajylliew bah.

EKSODOS 6:3

Te ha u Abraham, ha u Isaak, bad ha u Jakob, nga la mihpaw da ka kyrteng U Blei U Badonbor Baroh, hynrei, da ka kyrteng jong nga ‘JEHOBAH’ kim shym la ithuh ïa nga.

ISAÏAH 45:18

Naba kumne u ong U Trai uba la thaw ïa ki bneng; uta u long U Blei; u la thaw ïa ka khyndew bad u la pynlong ïa ka; u la thung ïa ka, um shym la thaw suda ïa ka, u la thaw ïa ka ban shong briew: “Nga, nga long U Trai; te ym don uwei pat.

ISAÏAH 53:8

Da kaba banbeiñ bad ka jingbishar la shim noh ïa u; te shaphang ka jingim jong u, uei ba la pyrkhat ba la ot noh ïa u na ka ri ki ba-im? Namar ka ryngkang u paidlang jong nga, la shoh ïa u.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:6

Ha ki sngi jong u, ïa u Judah yn pynim, bad u Israel un shong ha kaba suk: bad kane ka long ka kyrteng jong u da kaba yn khot ïa u, ‘U Trai u long ka hok jong ngi.’

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

LOUKAS 10:22

Ïa kiei kiei baroh la ai ha nga na U Kpa jong nga; ym don ruh uba ithuh ïa U Khun u long uei, hynrei, tang U Kpa; bad ïa U Kpa u long uei, hynrei, tang U Khun, bad uta ha uba U Khun u mon ban pynpaw.”

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

Ka Shithi U Paul Sha Ki Nong Rom 10:6

Hynrei, kata ka hok kaba na ka jingngeit ka ong kumne: “Wat ong ha la ka dohnud, ‘Uei u ban leit kiew noh sha bneng?’ ” (kata ka long, ban ïalam noh arsut ïa U Khrist),

DEUTERONOMI 28:58

“Lada men ym sumar ïa ka ban leh ïa ki ktien jong kane ka hukum baroh ïa kiba la thoh ha kane ka kitab, ba men ïoh sheptieng ïa kane ka kyrteng ba-donburom bad ba-itieng, U Trai Uba U Blei Jong Me;

DEUTERONOMI 30:12

Kam long ha bneng, ba men ong, ‘Uei u ban leit kiew sha bneng na ka bynta jong ngi, bad ban wallam ïa ka ha ngi, ba ngin ïohsngew ïa ka, bad ba ngin ïoh leh ïa ka?’

JINGPYNPAW 19:12

Te ki khmat jong u ki kum ka thylliej ka ding, bad halor ka khlieh jong u don ki pansngiat shibun: u don ruh ka kyrteng ba la thoh, ïa kaba uno uno ruh um ithuh, hynrei, tang ma u hi.

NONGBISHAR 13:18

Bad u angel U Trai u la ong ha u, “Balei me kylli ïa ka kyrteng jong nga, namar ka long kaba phylla?”