PROBERB 30:2 - KA BAIBL

² “Shisha nga kham bieit ban ïa uno uno u briew, bad ngam don ka jingshemphang briew:

Khasi CL Bible (BSI)

² Nga kham long kum u mrad ban kum u briew; ngam don ka jingshemphang kumba u briew u dei ban don.

PROBERB 30:2 ပူးပေါင်းရင်းမြစ်များ

SALM 49:10

Namar u ïohi ba ki bastad ki ïap, uba bieit bad uba runar ki ïaïap duh noh lang, bad ki iehnoh ïa la ka spah ha kiwei pat.

SALM 73:22

katno u babieit nga la long, bad u bymtip; nga la long mrad ha khmat jong me.

SALM 92:6

Uba runar um tip; lymne u riewbieit um sngewthuh ïa kane.

PROBERB 12:1

Jar uba ieit ïa ka jingsneng u ieit ïa ka jingtip: hynrei, uba isih ïa ka jingsneng sympat u long u kynja mrad.

PROBERB 30:1

Ki ktien u Agur u khun u Jakeh; ka orakl. Uta u briew u la ong ha u Ithiel, ha u Ithiel bad u Ukal:

PROBERB 5:12

bad ba men ong, “Kumno nga la isih ïa ka jinghikai, bad ba ka dohnud jong nga ka la ñiewbeiñ ïa ka jingsneng;

ISAÏAH 6:5

Te nga la ong, “Kordit ïa nga! namar nga la ïap; namar nga u briew u batngit ki rmiang shyntur, bad nga shong hapdeng u paidlang ba tngit ki rmiang shyntur: naba ki khmat jong nga ki la ïohi ïa U Syiem, U Trai ki paid.”

JEREMAÏAH 10:14

U briew baroh u la kylla bieit khlem ka jingtip; ïa u bania baroh ka durblei jong u ka la pynlehrain ïa u: naba ka durblei ba la saiñ jong u ka long lamler, bad ym don mynsiem ha ki.

Ka Shithi U Paul Sha Ki Nong Rom 11:25

Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

1 KORINTH 3:18

Wat ai ba uno uno ruh un shukor ïa lade. Lada uno uno ruh hapdeng jong phi u tharai ïa lade ba u long u bastad ha kane ka pyrthei, to un long u babieit, khnang ba un ïoh long u bastad.

1 KORINTH 8:2

Te lada uno uno ruh u mut ba u tip ïa kaei kaei ruh, um pat ithuh ei ei ruh em kat kumba ka dei keiñ ïa u ban ithuh.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.