PROBERB 3:9 - KA BAIBL

⁹ To burom ïa U Trai da la ka spah, bad da ki soh nyngkong ka jingmih jong me baroh:

Khasi CL Bible (BSI)

⁹ To burom ïa U Trai da kaba ai ha u ka jingainguh da kiei kiei kiba bha tam ba ka lyngkha jong phi ka pynmih.

PROBERB 3:9 ပူးပေါင်းရင်းမြစ်များ

JENESIS 28:22

ynda kumta keiñ, une u maw, ïa uba nga la thung mawbynna ïa u, un long ka ïing U Blei: bad na kiei kiei baroh ba men ai ha nga, nga ruh ngan ai shisha ha me ïa kaba shiphew bynta.”

2 KHRONIKL 31:10

Bad u Asaraïah u rangbah lyngdoh, na ka ïing u Sadok, u la ïathuh ïa u bad u la ong, “Naduh ba ki briew ki la sdang ban wallam ïa ki jingainguh shapoh ka ïing U Trai, ngi la bam bad ngi la kdang, bad la pyntam shibun: namar U Trai u la kyrkhu ïa la ki briew; bad kata kaba la tam long kane ka jingkynshew bakhraw.”

2 KHRONIKL 31:21

Bad ha kano kano ka kam ba u la sdang ha ka jingshakri ka ïing U Blei, bad ha ka aiñ, bad ha ki hukum, ban wad ïa U Blei jong u, u la leh ïa kata da la ka dohnud baroh, bad u la man bha.

SALM 144:13

haba ki thiar jong ngi ki dap, kiba don ki kynja jingbam baroh; bad ki langbrot jong ngi ki kha ïa ki hajar bad ki phew hajar ha ki lyngkha jong ngi;

EKSODOS 22:29

“Men ym pyntud ban ainguh ïa u banyngkong na ki soh ba-ih jong me, bad na ki umsoh jong me. Men ai ha nga ïa u banyngkong na ki khun shynrang jong me.

EKSODOS 23:16

bad Ka Jingkhawai Niam Ka Aïom Ot, ki soh nyngkong ki jingtrei jong me, ïa kiba me la bet ha ka lyngkha: bad Ka Jingkhawai Niam Ka Jingïalum ruh, ha ka bakut ka snem, haba me la lum ïa ki jingtrei jong me na ka lyngkha.

EKSODOS 23:19

“Men wallam ïa u banyngkong na ki soh nyngkong ka khyndew jong me ha ka ïing U Trai U Blei jong me. Wat shet ïa u khun blang ha ka dud ka kmie jong u.

EKSODOS 34:26

To men wallam sha ïing U Trai U Blei jong me ïa u babha tam eh na ki soh nyngkong ka ri jong me. Wat shet ïa u khun blang ha ka dud ka kmie jong u.”

PROBERB 11:25

Ïa ka mynsiem kaba kylluid yn pynsngaid: bad uta uba ai um, ïa u hi ruh yn ai um.

PROBERB 14:31

Uta uba banbeiñ ïa u baduk u pynlehrain ïa la U Nongthaw: hynrei, uba isynei ïa u bakyrduh u pyndonburom ïa U.

ISAÏAH 43:23

Mem shym la wallam ha nga ïa ki langbrot barit ki jingainguh thang jong me; bad mem shym la pyndonburom ïa nga da ki jingkñia jong me. Ngam shym la ban ïa me ban shakri da ka jingainguh, lymne pynbtai ïa me da ka jingiwbih.

LEBITIKOS 19:25

Te ha ka basan snem, phin bam ïa u soh jong kita ki dieng, khnang ba kin sei soh kyrhai ïa phi: Nga long U Trai U Blei jong phi.

JINGKHEIÑ 15:20

Na u kpu im banyngkong jong phi, phin ainguh da uwei u kpu, ban long ka jingainguh bakyntiew; kumjuh kum ka jingainguh bakyntiew na ka kyntem, kumta phin kyntiew ïa ka ruh.

MATHAÏOS 25:17

Kumjuh ruh uta u ba-ar, uta ruh u la ïohnong kiwei pat ar.

1 KORINTH 16:2

Ha ka sngi nyngkong ka taïew, to uwei pa uwei na phi un buh noh ha lade, da kaba kynshew kat kum ka jingïoh jong u, ba yn ym long ki jingïasynñiang sbai ynda nga la wan.

DEUTERONOMI 14:29

bad u Lebi ruh, namar ba um don ka bynta, lane ka jingïoh pateng lem bad me, bad u nongwei, bad ki khunswet, bad ka riewkynthei, kiba hapoh ki khyrdop jong me, kin ïawan, kin ïabam ruh bad kin kdang; ba U Trai uba U Blei jong me un kyrkhu ïa me ha ki jingleh ka kti jong me baroh ïa kiba me leh.