PROBERB 3:7 - KA BAIBL

⁷ Wat long u bastad ha la ka jong ka jingñiew; to sheptieng ïa U Trai, bad to kiar na ka basniew:

Khasi CL Bible (BSI)

⁷ Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

PROBERB 3:7 ပူးပေါင်းရင်းမြစ်များ

2 SAMUEL 12:20

Ynda kumta, u Dabid u la ïeng na ka khyndew, bad u la sum, bad u la sleh, bad u la pli ïa la ki jaiñ; bad u la wan sha ka ïing U Trai, bad u la mane: hadien kata, u la wan sha la ka jong ka ïing; bad haba u la pan ki la buh kpu ha khmat jong u, u ruh u la bam.

NEHEMAÏAH 5:15

Hynrei, ki nongsynshar kiba mynshuwa jong nga ki la ban khia ïa u paidbah, bad ki la shim ïa u kpu bad ka Waiñ na ki, nalor ki sawphew shekel rupa; shisha keiñ, wat ki shakri jong ki, ki la leh trai khlieh halor u paidbah: hynrei, nga ngam shym la leh kumta, namar kaba tieng ïa U Blei.

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

EKSODOS 20:20

Te u Moses u la ong ha uta u paidbah, “Wat sheptieng: namar ïa ka ban tynjuh ïa phi U Blei u la wan, bad ba ka jingsheptieng ïa u kan long ha khmat jong phi, ba phin ym leh pop.”

PROBERB 14:16

U briew u bastad u sheptieng, bad u kynriah na ka basniew: hynrei, u babieit u leh meng, bad u shngain.

PROBERB 14:27

Ka jingsheptieng ïa U Trai ka long ka pukri ka jingim, ïa ka ban kynriah na ki jingriam ka jingïap.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 23:4

Wat pynshitom ïa lade ban long riewspah; to wai noh na la ka jong ka jingstad.

PROBERB 26:12

Me ïohi ïa u bastad ha la ka jong ka jingñiew? kham kyrmen ïa uba bieit ban kum ïa uta.

PROBERB 26:5

To phai ktien ïa u babieit katba kum ka jingbieit jong u, ïoh ba un long u bastad ha la ka jong ka jingñiew.

PROBERB 28:11

U briew u bariewspah u long stad ha la ka jong ka jingñiew; hynrei, u baduk uba don jingshemphang u khmih thew ïa u.

PROBERB 28:26

Uta uba shaniah ha la ka jong ka dohnud u long u babieit: hynrei, jar uba ïaid stad, ïa uta yn pynim.

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

EKLESIASTIS 12:13

Kane ka long ka jingkyllum; ïa baroh la ïohsngew: sheptieng ïa U Blei, bad sumar ïa ki hukum jong u; namar kane baroh ka long ka kamram u briew.

ISAÏAH 5:21

Kordit ïa kita ki bastad ha la ka jong ka jingñiew, bad ki basian ha la ka jong ka jingkhmih!

Ka Shithi U Paul Sha Ki Nong Rom 11:25

Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

Ka Shithi U Paul Sha Ki Nong Rom 12:16

To long kiba ïamut ïa kajuh paralok hi; to wat ïaimut brai ïa kiei kiei ruh ki jinglong meng, hynrei, to pynryngkat ïa lade bad ki barit. Wat long phi kiba tharai stad ïa lade hi.