PROBERB 3:6 - KA BAIBL

⁶ Ha la ki lynti baroh to phla ïa u, te un pynbeit ïa ki lynti ïaid jong me.

Khasi CL Bible (BSI)

⁶ Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

PROBERB 3:6 ပူးပေါင်းရင်းမြစ်များ

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

ESRA 7:27

“To long ba la kyrkhu ïa U Trai, U Blei ki kpa jong ngi, uba la buh kat kane ha ka dohnud u syiem, ban pynitynnad ïa ka ïing U Trai kaba ha Jerusalem;

NEHEMAÏAH 1:11

A Trai, nga kyrpad ïa me, to pynshah mynta ïa ka shkor jong me ha ka jingduwai u shakri jong me, bad ha ki jingduwai ki shakri jong me, kiba sngewbha ban sheptieng ïa ka kyrteng jong me; bad pynman bha, nga kyrpad ïa me, ïa la u shakri ha kane ka sngi, bad ai ka jingisynei ha u ha khmat une u briew.” Namar nga la long u nongrah khuri ïa u syiem.

NEHEMAÏAH 2:4

Ynda kumta, u syiem u la ong ha nga, “Kaei me kyrpad?” Hangta nga la duwai ha U Blei ka bneng.

NEHEMAÏAH 7:5

Bad U Blei jong nga u la buh ha ka dohnud jong nga ban ïalum lang ïa ki bakhraw batri, bad ïa ki nongsynshar, bad ïa u paidbah, ba yn kheiñ ïa ki katba kum ka jingkha pateng jong ki. Bad nga la shem ïa ka kitab ka jingkha pateng jong kita kiba la wan kiew ha kaba nyngkong, bad nga la shem ba la thoh ha ka.

SALM 32:8

Ngan pynnang ïa me bad ngan hikai ïa me ha ka lynti kaba men leit: ngan sneng ïa me da kaba khmih la ka khmat ha me.

PROBERB 11:5

Ka hok jong u bajanai kan ïalam ïa ka lynti jong u: hynrei, u bymman un kyllon da la ka jong ka jingbymman.

PROBERB 16:3

To pyntyllun ïa la ki kam ha U Trai, te ïa ki jingmut jong me yn pynskhem.

PROBERB 16:9

Ka dohnud u briew ka pyrkhat ïa ka lynti jong u: hynrei, U Trai uba ïalam ïa ki jingjam jong u.

PROBERB 23:17

Wat ai ba ka dohnud jong me kan bishni ïa ki nongpop: hynrei, me to long ha ka jingsheptieng ïa U Trai baroh shi sngi:

ISAÏAH 26:7

Ka lynti ki bahok ka long ka jingbeit: ma me uba beit, me ju ïalam ïa ka lynti jong u bahok.

ISAÏAH 30:21

bad ki shkor jong me kin ïohsngew ïa ka ktien hadien jong me, ka da ong, “Kane ka long ka lynti, to ïaid phi ha ka;” haba phi phai sha kamon, bad haba phi phai sha kadiang.

ISAÏAH 45:13

Nga la pynmih ïa u ha ka hok, bad ngan pynbeit ïa ki lynti jong u baroh: u un tei ïa ka shnong jong nga, bad un pyllait ei ïa ki khun kliarwait jong nga, khlem dor lymne bainong,” ong U Trai ki paid.

ISAÏAH 48:17

Kumne u ong U Trai, u nongsiewspah jong me, uta U Bakhuid jong ki Israel: “Nga, nga long U Trai U Blei jong me, uba hikai ïa me ban pynmyntoi, uba btin ïa me ha ka lynti ba ka dei ïa me ban leit.

JEREMAÏAH 10:23

A Trai, nga tip ba ka lynti u briew kam long ha u hi: kam long ha u briew uba ïaid ban pynbeit ïa la ki jingjam.

JEREMAÏAH 42:3

ba U Trai U Blei jong me un pyni ha ngi ïa ka lynti ha kaba ngi dei ban ïaid, bad kaei kata kaba ngi dei ban leh.”

JINGKHEIÑ 9:20

Bad ka la long kumta haba uta u lyoh u la shong tang khyndiat sngi halor Ka Tabernakl; da ka hukum U Trai, ki la ju shong sah ha ki ïing dara jong ki, bad da ka hukum U Trai, ki la ju leit mih noh.

1 KORINTH 10:31

Namar kata, lada phi bam ne lada phi dih, ne lada phi leh ei ei ruh, to leh phi ïa kiei kiei baroh ïa ka ban pyndonburom ïa U Blei.

2 KORINTH 8:16

Hynrei, ka jingnguh ïa U Blei uba buhti ïa kajuh ka jingsumar minot na ka bynta jong phi ha ka dohnud u Titos;

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

KOLOSSAI 3:17

Te kaei kaei baroh kaba phi leh, ha ka ktien lane ha ka jingleh, to leh ïa baroh ha ka kyrteng U Jisu uba U Trai, da kaba ainguh ïa U Blei uba U Kpa da u.

KOLOSSAI 3:23

Kat kaba phin leh, to trei naduh ka mynsiem, kumba ha U Trai, bad ym ha ki briew;

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

1 SAMUEL 30:8

Te u Dabid u la kylli na U Trai, u da ong, “Lada ngan beh nadien une u paid, ngan lap ïa u ne em?” U ruh U la ïathuh ha u, “To beh; namar men lap shisha, bad da shisha men ïoh pat ïa kiei kiei baroh.”