PROBERB 3:4 - KA BAIBL

⁴ kumta, men shem ïa ka jingsngewbha bad ïa ka jingshemphang ka babha ha khmat U Blei bad ki briew.

Khasi CL Bible (BSI)

⁴ Lada phi leh ïa kane, phin pynsngewbha ïa U Blei bad ïa u briew.

PROBERB 3:4 ပူးပေါင်းရင်းမြစ်များ

JENESIS 39:21

Hynrei, U Trai u la don ryngkat bad u Joseph, bad u la pyni ïa ka jingisynei ïa u, bad u la ai ha u ka jingmonbha ha khmat u nongap ïing byndi.

SALM 111:10

Ka jingsheptieng ïa U Trai long ka jingsdang ka jingstad; ka jingshemphang ka babha ki don kita baroh kiba leh ïa ki: ka jingïaroh jong u ka neh junom.

PROBERB 12:2

U briew u babha un ïoh isynei na U Trai: hynrei, ïa u briew uba don ki buit bymman un pynrem.

PROBERB 13:15

Ka jingshemphang ka babha ka pynïoh ka jingisynei: hynrei, ka lynti u nongshetkylla ka long kaba sohkhroh.

PROBERB 8:35

Naba jar uba shem ïa nga u shem ïa ka jingim, bad un ïoh ka jingisynei na U Trai.

DANIEL 1:9

Te U Blei u la pynshem ïa u Daniel ka jingsngewbha bad ka jingieit ha khmat uta u rangbah ki ïunukh.

LOUKAS 2:52

U Jisu ruh u la nang khraw ha ka jingstad bad ha ka rynïeng, bad ha ka jingsngewbha ha khmat U Blei bad ki briew.

KI KAM 2:47

ki da ïaroh ïa U Blei, bad ki da shem ka jingsngewbha na ki briew baroh. Bad U Trai ruh u la nang pynïasoh ha ki ha la ka sngi ïa kita kiba la lait im.

Ka Shithi U Paul Sha Ki Nong Rom 14:18

Namar uta uba shakri ïa U Khrist ha kine kiei kiei ruh, u long uba la pynsngewbha eh ïa U Blei bad ba la pdiang hun da ki briew.

2 KORINTH 8:21

da kaba pynkhreh lypa ïa kiei kiei ki bahok, ym tang ha khmat U Trai, hynrei, ha khmat ki briew ruh.

1 SAMUEL 2:21

Bad U Trai u la wan khmih ïa ka Hannah, bad ka la punkhun, ka la kha ruh lai ngut ki shynrang bad ar ngut ki kynthei. Bad uta u khynnah, u Samuel u la nang san ha khmat U Trai.

1 SAMUEL 2:26

Te uta u khynnah u Samuel u la nang san, bad u la long uba sngewbha ïa u da U Trai, bad da ki briew de.