PROBERB 3:32 - KA BAIBL

³² Naba uba mutlop u long ka jingijli ïa U Trai: hynrei, ka jingrieh jong u ka don bad uba beit.

Khasi CL Bible (BSI)

³² namar U Trai u isih ïa ki briew kiba leh bymman, hynrei ïa ki briew kiba hok u ïarap ïa ki.

PROBERB 3:32 ပူးပေါင်းရင်းမြစ်များ

Ka Kitab U Job 29:4

kumba nga la long ha ki sngi ka jinglong samla, mynba ka jingïasyllok U Blei ka la don halor ka ïingjaiñ jong nga;

SALM 18:26

bad u bakhuid men leh khuid; bad u bamutlop ruh men leh mutlop.

SALM 25:14

Ka jingmut barieh jong U Trai ka don bad kita kiba sheptieng ïa u; bad un pynbna ha ki, ïa la ka jutang.

PROBERB 11:20

Kita kiba mutlop ha la ka dohnud ki long ka jingijli ïa U Trai: hynrei, jar kiba janai ha la ka lynti ki long ka jingsngewbha jong u.

PROBERB 14:10

Ka dohnud ka tip ïa la ka jong ka jingkthang; bad u nongwei um khleh ha ka jingkmen jong ka.

PROBERB 17:15

Uba pynksan ïa u bymman, bad uta uba pynrem ïa u bahok, baroh ar ngut kumjuh, ki long ka jingijli ha U Trai.

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

ISAÏAH 41:24

Ha khmih, phim long ei ei ruh em, bad ka kam jong phi ka jingthala: uta uba jied ïa phi u long ka jingijli.

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

MATHAÏOS 13:11

U da ïathuh te u la ong ha ki: “Naba la ai ha phi ban tip ïa ki maïan ka hima ki bneng, hynrei, ym shym la ai ha ki.

LOUKAS 16:15

Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

ÏOANNIS 15:15

Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

ÏOANNIS 7:17

lada uno uno ruh u mon ïa ka ban leh ïa ka mon jong u, un ïoh shemphang shaphang kata ka jinghikai, lada ka long na U Blei, lane nga, nga kren na lade:

JINGPYNPAW 2:17

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”