PROBERB 3:3 - KA BAIBL

³ Wat ai ba ka jingisynei bad ka jingshisha kin iehnoh noh ïa me: to teh ïa ki ha ka ryndang jong me; to thoh ïa ki ha u maw lyngkniap ka dohnud jong me:

Khasi CL Bible (BSI)

³ Wat ai ba ka jinglong bashaniah bad baïaineh kin iehnoh ïa phi. Teh ïa ki sawdong ka ryndang jong phi; thoh ïa ki ha ka dohnud jong phi.

PROBERB 3:3 ပူးပေါင်းရင်းမြစ်များ

2 SAMUEL 15:20

Dang mynhynnin me la wan, te kumno ha kane ka sngi ngan pynïaid sharum shaneng ïa me bad ngi, haba nga shu leit kat shaba lap? To leit phai ma me, bad shim lem ruh ïa la ki para; te ka jingisynei bad ka jingshisha kin long lem bad me.”

SALM 119:11

Nga la ri khop ïa ka ktien jong me ha la ka dohnud, khnang ba ngan ym leh pop ïa me.

SALM 25:10

Baroh ki lynti ïaid jong U Trai ki long ka jingleh isynei bad ka jingshisha ha kita kiba sumar ïa ka jutang jong u bad ki jingphla jong u.

SALM 85:10

Ka jingisynei bad ka jingshisha ki la ïashem lang; ka hok bad ka jingsuk ki la ïadoh.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 34:6

Te U Trai u la ïaid lait ha shuwa jong u, bad u la pynbna, “U Trai, U Trai, U Blei uba isynei bad ba aiei, uba ïaishah slem, bad uba kynrei ha ka jingbha bad ka jingshisha;

PROBERB 1:9

naba kin long ka pansngiat ka burom ïa ka khlieh jong me, bad ki kynjri baroh sawdong ka ryndang jong me.

PROBERB 14:22

Hato kita kim bakla kiba pyrkhat ïa ka basniew? hynrei, ka jingisynei bad ka jingshisha kin long ïa kita kiba pyrkhat ïa ka babha.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 20:28

Ka jingisynei bad ka jingshisha, ki ri kyndong ïa u syiem; bad ïa ka khet jong u la kyrshan da ka jingisynei.

PROBERB 6:21

To khum ïa ki ha la ka sngi halor la ka dohnud, to teh ïa ki baroh sawdong la ka ryndang.

PROBERB 7:3

To teh ïa ki halor la ki shynriah'ti; to thoh ïa ki ha u maw lyngkniap ka dohnud jong me.

JEREMAÏAH 17:1

Ïa ka pop ki Judah la thoh da u khulom nar, bad da ka khmut u diamond: la mut dak ïa ka ha u maw lyngkniap ka dohnud jong ki, bad ha ki reng ki duwan jong phi;

HOSIA 4:1

To sngew ïa ka ktien U Trai, phi ki khun Israel: “namar U Trai u don ka jingïasaid bad kiba shong ha ka ri, namar ym don jingshisha, lymne jingisynei, lymne jingtip ïa U Blei ha ka ri.

MALAKHI 2:6

Ka hukum ka jingshisha ka la don ha ka shyntur jong u, bad ïa ka jingbymhok ym shym shem ha ki rmiang shyntur jong u: u la ïaid bad nga ha ka jingsuk bad ka hok, bad u la pynphai noh shibun na ka jingbymhok.

MATHAÏOS 23:23

“Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

2 KORINTH 3:3

kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

EPHESOS 5:9

(namar u soh jong ka jingshai u long ha ka jinglehbha, bad ka hok, bad ka jingshisha baroh),

DEUTERONOMI 6:8

Bad men teh ïa ki kum ka dak ha ka kti jong me, bad kin long kum ki jingteh shyllangmat hapdeng ki khmat jong me.

HEBRU 10:16

“Kane ka long kata ka jutang ïa kaba ngan thaw bad ki hadien kita ki sngi,” ong U Trai; “ngan buh ïa ki hukum jong nga ha ki dohnud jong ki, bad ha ki jingmut jong ki ruh ngan thoh ïa ki;”