PROBERB 3:27 - KA BAIBL

²⁷ Wat khang ïa ka babha na kita kiba dei ban ïoh ïa ka, haba ka shong ha ka bor ka kti jong me ban leh ïa kata.

Khasi CL Bible (BSI)

²⁷ Ha kano kano ka por ba phi ïoh ka kabu, leh ïa kaba bha ïa kito kiba donkam ïa ka.

PROBERB 3:27 ပူးပေါင်းရင်းမြစ်များ

JENESIS 31:29

Ka long ha ka kti jong nga ban pynsniew ïa phi: hynrei, U Blei u kpa jong phi u la kren ha nga mynhynne mynmiet, u da ong, ‘To sumar ïa lade ba men ym kren ei ei ruh ha u Jakob ka babha ne ka basniew.’

MIKAH 2:1

Kordit ïa kita kiba shet ïa ka jingsniew bad bathaw ïa ka jingbymman halor la ki jingthiah! haba ka la shai mynstep, ki pyndep ïa kata, namar ba ka shong ha ka bor jong ki.

Ka Shithi U Paul Sha Ki Nong Rom 13:7

To ai noh ha ki briew baroh ïa ka hok jong ki; ka khajna ha uba ïoh ka khajna; ka khrong ha uta uba ïoh ïa ka khrong; ka jingsheptieng ha uba dei ban ïoh ka jingsheptieng; ka burom ha uba dei ban ïoh burom.

GALATIA 6:10

Kumta te, katba ngi ïoh ka lad ba bit, to ngin ïatrei minot ïa ka babha ha ki briew baroh, hynrei, kham tam ha kita kiba na ka kur ka jingngeit.

DEUTERONOMI 15:13

Bad haba me phah noh ïa u na me, wat phah noh ïa u suda:

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.