PROBERB 3:25 - KA BAIBL

²⁵ Wat sheptieng ïa ka jingsheptieng kaba kyndit, lymne ïa ka jingpynjot jong ki bymman, haba ka wan lap;

Khasi CL Bible (BSI)

²⁵ Phin ym donkam ban khuslai ïa ka jingpynjot kaba wan kynsan, kum kaba wan ha ki riewbymman kum ka 'erïong.

PROBERB 3:25 ပူးပေါင်းရင်းမြစ်များ

SALM 112:7

Un ym sheptieng ïa ka jingbna basniew: ka dohnud jong u ka skhem, u da shaniah ha U Trai.

SALM 73:19

A kumno ki la kylla long ka jingkynjah kumne kumne! La bam duh noh khoit ïa ki da ki jingsngewtriem.

SALM 91:5

Men ym sheptieng na ka jingtriem mynmiet, lymne na u khnam ba her mynsngi;

PROBERB 1:27

haba wan lap ka jingsheptieng jong phi kum ka 'erïong, bad haba nang wan ka jingjynjar jong phi kum ka lyer langthari; haba ka jingshipa bad ka jingsngewpisa ki ngat halor jong phi.

ISAÏAH 54:14

Ha ka hok yn pynskhem ïa pha: phan long jngai na kaba banbeiñ, naba phan ym sheptieng; na kaba shyrkhei ruh, naba kan ym wan hajan jong pha.

MIKAH 4:4

Hynrei, kin ïashong uwei uwei baroh hapoh la u dieng Waiñ bad hapoh la u dieng Dumbur; te ym don u ban pynsheptieng ïa ki: naba ka shyntur U Trai ki paid ka la kren ïa kata.

SEKHARAÏAH 9:8

Bad ngan shong ap sawdong la ka ïing pyrshah ïa u paidïapom, katba ym don u ban ïaid lyngba lymne wan phai: bad ym don u nongbanbeiñ u ban ïaid napdeng jong ki shuh: naba nga la ïohi mynta da la ki khmat.”

MATHAÏOS 24:15

“Namar kata, ynda phin ïohi ïa kata ka jingijli bapynduh, ba la ong shaphang jong ka da u Daniel u nongïathuhlypa, ba ka da ïeng ha ka jaka bakhuid,” (Jar uba pule un da sngap),

MATHAÏOS 24:6

Bad phin sa ïohsngew shaphang ki thma bad ki jingbna ïa ki thma: to sumar phi wat sngewkhuslai: naba ka dei ba kine kiei kiei baroh kin long: hynrei, ka bakut kam pat la jia.

MARKOS 4:40

U la ong te ha ki, “Balei phi long kiba sheptieng katta katta? kumno ba phim pat don ka jingngeit?”

LOUKAS 21:9

Te haba phin ïohsngew shaphang ki thma bad ki jingkhihwin, phi wat sheptieng; naba ka dei ïa kine kiei kiei ruh ban jia shuwa, hynrei, kata ka bakut kam long kumne kumne ruh.”

ÏOANNIS 14:1

“Wat khih khuslai na ka dohnud jong phi: to ngeit phi ha U Blei, to ngeit ha nga ruh.

1 PETROS 3:14

Hynrei, lada phi la shah shitom ruh na ka bynta ka hok, suk ma phi. Hynrei, wat sheptieng na kata ka jingpynsheptieng jong ki, lymne wat khih khuslai,