PROBERB 3:24 - KA BAIBL

²⁴ Haba me thiah, men ym sheptieng: men thiah ruh, bad ka jingïohthiah jong me kan long kaba bang.

Khasi CL Bible (BSI)

²⁴ Phin ym sheptieng haba phi thiah, bad phin ïohthiah suk baroh shi miet.

PROBERB 3:24 ပူးပေါင်းရင်းမြစ်များ

2 KHRONIKL 20:30

Kumta, ka hima u Jehoshaphat ka la long kaba suk: namar U Blei jong u, U la ai ïa u ka jingshongthait baroh sawdong.

Ka Kitab U Job 11:19

Men ïohthiah ruh, bad ym don u ban pynsheptieng ïa me; bun ruh kin wan kyrpad ïa me.

SALM 112:8

La pynskhem ïa ka dohnud jong u, un ym sheptieng, tad ynda un ïohi ïa la ka mon halor kiba ïaleh pyrshah ïa u.

SALM 127:2

Kaba lehnohei ba phin khie step, bad peit miet katta, bad ban bam ïa u kpu ka jingtrei shitom: naba kumta, u pynïohthiah ïa kiba ieit jong u.

SALM 3:5

Nga la thiah bad nga la ïohthiah; nga la peit, naba U Trai u kyrshan ïa nga.

SALM 3:6

Ngan ym sheptieng ïa ki shiphew hajar ki briew, kiba la ïeng ïaleh ïa nga baroh sawdong.

SALM 4:8

Ha kaba suk ngan thiah bad ngan ïohthiah ruh: naba tang ma me, A Trai, men pynshong ïa nga ha kaba suk.

SALM 91:5

Men ym sheptieng na ka jingtriem mynmiet, lymne na u khnam ba her mynsngi;

PROBERB 1:33

Hynrei, jar uba shahshkor ïa nga un ïoh shong ha kaba suk, bad un ïoh long jai jai khlem sheptieng ïa ka basniew.”

PROBERB 19:23

Ka jingsheptieng ïa U Trai ka lam sha ka jingim: bad uta ha uba ka don un neh ha ka jinghun; yn ym pynwan ïa ka jingsniew ha u.

PROBERB 6:22

Haba me ïaid, kan ïalam ïa me; haba me thiah kan ap ïa me; bad haba me peit kan ïakren bad me.

EKLESIASTIS 5:12

Ka jingïohthiah u nongtrei ka long kaba thiang, la u bam khyndiat ne shibun: hynrei, ka jingdap u bariewspah kam ai thiah ïa u.

ISAÏAH 54:14

Ha ka hok yn pynskhem ïa pha: phan long jngai na kaba banbeiñ, naba phan ym sheptieng; na kaba shyrkhei ruh, naba kan ym wan hajan jong pha.

JEREMAÏAH 31:26

Hamar kane nga la kyndit, bad nga la khmih; bad ka jingïohthiah jong nga ka bang eh ïa nga.

ESEKIEL 34:15

Ma nga hi ngan bsa ïa ki langbrot jong nga bad ngan pynthiah ïa ki,’ ong U Trai U Blei.

ESEKIEL 34:25

“ ‘Bad ngan ïathaw ka jutang ka jingsuk bad ki, te ngan pynduh noh ïa ki mrad basniew na ka ri: bad kin ïashong suk ha ka ri khlaw, bad kin ïathiah ha bri ki dieng.

ESEKIEL 34:27

Te u dieng ka bri un sei ïa u soh jong u, bad ka khyndew kan sei ïa ka jingroi jong ka, bad kin shongsuk ha ka ri jong ki; bad kin tip ba nga long U Trai, haba nga la kdiah ïa ki dieng ka lyngkor jong ki, bad nga la pyllait ïa ki na ka kti kita kiba la pynshakri ïa lade da ki.

LEBITIKOS 26:6

Ngan ai ka jingsuk ruh ha ka ri, bad phin ïohthiah khlem da don mano mano ruh ban pynkhaw-eit ïa phi: bad ngan pynduh noh ïa ki mrad basniew na ka ri, bad ka waitlam kan ym ïaid shuh lyngba ïa ka ri jong phi.

KI KAM 12:6

Te haba u Herod un sa pynmih noh ïa u; ha kata hi ka miet, u Petros u dang ïohthiah hapdeng ar ngut ki shipai, ba la khum da ki ar tylli ki kynjri, bad ki nongap ha khmat ka jingkhang ki la ap phira ïa kata ka ïing byndi.