PROBERB 3:20 - KA BAIBL

²⁰ Da ka jingtip jong u, ïa ki jingjylliew la pynpait, bad ki bneng ki pynjaw ka umjer.

Khasi CL Bible (BSI)

²⁰ Ka jingstad jong u, ka pynlah ïa ki wah ban tuid bad ïa ki lyoh ba kin pynhap slap ha ka khyndew.

PROBERB 3:20 ပူးပေါင်းရင်းမြစ်များ

JENESIS 1:9

U Blei u la ong ruh, “To long ba kin ïalang sha kawei ka jaka kita ki um kiba hapoh ka bneng, bad to ai kan paw ka ryngkew:” te ka la long kumta keiñ.

JENESIS 27:28

Kumta, to long ba U Blei un da ai ha me na ka umjer bneng, bad na ka jingsngaid ka khyndew, bad ka bun byrhien na u Kew bad ka umsoh Waiñ:

JENESIS 7:11

Hamar ka bahynriewspah snem ka rta jong u Noah, ha u bnai u ba-ar, ha ka bakhathynñiew sngi jong uta u bnai, ha kata ka sngi hi keiñ, la pynbthei noh ïa ki um mihpohliew baroh ka jingjylliew bah, bad ïa ki jingkhang ki bneng la plie noh wang.

PROBERB 8:24

Mynba ym pat la don ki jingjylliew, ïa nga la kha; mynba ym pat la don ki pukri ki bashlei da ka um.

JEREMAÏAH 14:22

Don hapdeng ki jingthala ki Jentil kiba lah ban pynhap slap? Lane ki bneng ki lah ban ai 'lap praw? Ym long ma me uta, A Trai U Blei jong ngi? Namar kata, ngin ap khmih ïa me; namar me la thaw ïa kiei kiei baroh.

JOEL 2:23

“To ïasngewbha te, phi ki khun ka Seïon, bad to leh kmen ha U Trai U Blei jong phi: naba u ai ha phi ïa u slap uba shuwa ha ka jingthew kaba biang, bad u pynhap ïa u slap ha phi, u slap uba shuwa bad u slap uba khatduh, ha u bnai banyngkong.

DEUTERONOMI 33:28

U Israel te un shongsuk marwei; ka pukri u Jakob kan long ha ka ri u Kew bad ka Waiñ: ki bneng jong u ruh kin jaw da ka umjer.