PROBERB 3:10 - KA BAIBL

¹⁰ kumta, ïa ki thiar jong me yn pyndap da ka jingkyrhai, bad ki kor tylliat jong me kin shlei da ka Waiñ thymmai.

Khasi CL Bible (BSI)

¹⁰ Lada phi leh kumta, ïa ki thiar jong phi yn pyndap da u kew, bad phin ïoh ruh shibun bha ka waiñ haduh ba phim lah shuh ban pynlang ïa ka.

PROBERB 3:10 ပူးပေါင်းရင်းမြစ်များ

2 KHRONIKL 31:10

Bad u Asaraïah u rangbah lyngdoh, na ka ïing u Sadok, u la ïathuh ïa u bad u la ong, “Naduh ba ki briew ki la sdang ban wallam ïa ki jingainguh shapoh ka ïing U Trai, ngi la bam bad ngi la kdang, bad la pyntam shibun: namar U Trai u la kyrkhu ïa la ki briew; bad kata kaba la tam long kane ka jingkynshew bakhraw.”

2 KHRONIKL 31:21

Bad ha kano kano ka kam ba u la sdang ha ka jingshakri ka ïing U Blei, bad ha ka aiñ, bad ha ki hukum, ban wad ïa U Blei jong u, u la leh ïa kata da la ka dohnud baroh, bad u la man bha.

SALM 144:13

haba ki thiar jong ngi ki dap, kiba don ki kynja jingbam baroh; bad ki langbrot jong ngi ki kha ïa ki hajar bad ki phew hajar ha ki lyngkha jong ngi;

PROBERB 19:17

Uta uba isynei ïa u baduk u ai kylliang ha U Trai, bad ïa ka kam babha jong u un sa siew pat ïa u.

PROBERB 22:9

Uba don ka khmat kaba kylluid yn kyrkhu ïa u; naba u ïa-ai na la u kpu ha u baduk.

JOEL 2:24

“Te yn pyndap ïa ki thiar da u Kew, bad ki jingdiang soh kin shlei da ka Waiñ bad ka umphniang.

HAGGAI 2:19

U symbai u dang don ha ka thiar? u dieng Waiñ ruh, bad u dieng Dumbur, bad u dieng soh Pong, bad u dieng Olib kim shym la sei soh; naduh kane ka sngi ngan kyrkhu ïa phi.”

MATHAÏOS 10:42

Bad uno uno ruh u ban ai dih tang shi khuri ka um khriat ïa uwei na kine ki barit, ha ka kyrteng u synran, shisha nga ong ha phi, un ym duh shuh la ka nong.”

DEUTERONOMI 14:29

bad u Lebi ruh, namar ba um don ka bynta, lane ka jingïoh pateng lem bad me, bad u nongwei, bad ki khunswet, bad ka riewkynthei, kiba hapoh ki khyrdop jong me, kin ïawan, kin ïabam ruh bad kin kdang; ba U Trai uba U Blei jong me un kyrkhu ïa me ha ki jingleh ka kti jong me baroh ïa kiba me leh.

DEUTERONOMI 28:8

U Trai un hukum ïa ka jingkyrkhu halor jong me ha ki thiar jong me, bad ha kiei kiei baroh ba me ktah da la ka kti; bad un kyrkhu ïa me ha kata ka ri ïa kaba U Trai uba U Blei u ai ha me.