PROBERB 27:6 - KA BAIBL

⁶ Kiba shisha long ki jingmong na u lok: hynrei, ki jingdoh jong u nongshun ki long shibun.

Khasi CL Bible (BSI)

⁶ U paralok u thmu ïa kaba bha, wat haba u pynmong ïa phi. Hynrei haba u nongshun u buh ïa ka ksang'ti jong u halor ka tyrpeng jong phi — da husiar!

PROBERB 27:6 ပူးပေါင်းရင်းမြစ်များ

SALM 141:5

Ai ba u riewhok un sympat ïa nga, kan long ka jinglehsbun; ai ba uta un sneng ïa nga, kan long kum ka umphniang halor ka khlieh; to ka khlieh jong nga kan ym kyntait ïa ka: naba wat ha ka jingsniew jong ki, ka jingduwai jong nga ka ïaineh.

PROBERB 10:18

Uta uba buhrieh ïa ka jingshun u don ki rmiang shyntur kiba lamler; bad uta uba kren siar u long u babieit.

PROBERB 20:30

Ki jingjngem kiba mong ki pynkhuid ïa ka jingsniew: bad ki jingshoh ki kot haduh ki bynta ba kham shapoh jong ka kpoh.

PROBERB 27:7

Ka mynsiem kaba dap ka isih ïa ka rewngap: hynrei, ha ka mynsiem ka bathngan kaei kaei baroh kaba kthang ka long thiang.

PROBERB 28:23

Uta uba sneng ïa u briew un kham ïoh ka jingsngewbha hadien, ban ïa uba ïaroh arsap da la u thylliej.

HEBRU 12:10

Namar, ki, shisha, tang khyndiat ki sngi, ki la sneng sympat ïa ngi katba ki ibit ma ki; hynrei, ma u, khnang ïa ka ban pynmyntoi ïa ngi, ba ngin ïoh bynta na ka jingkhuid jong u.

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.