PROBERB 27:4 - KA BAIBL

⁴ Ka jingbitar ka dom, bad ka jingbitar lep ka long ka jingshlei um; hynrei, uei uba lah ban ïeng ha khmat ka jingbishni?

Khasi CL Bible (BSI)

⁴ Ka jingbitar ka long kaba shyrkhei bad kaba pynjot, hynrei kam long ei ei haba ïanujor bad ka jingpihuiñ.

PROBERB 27:4 ပူးပေါင်းရင်းမြစ်များ

JENESIS 26:14

Namar u la don ruh ka spah da ki kynhun langbrot, bad ka spah da ki kynhun masi, bad ki shakri shynrang batrei lyngkha babun eh; katba ki Philistia ki la ïabishni ïa u.

JENESIS 37:11

Te ki hynmen jong u ki la ïabishni ïa u; hynrei, u kpa jong u, u la kynshew ïa kata ka jingong ha la ka dohnud.

JENESIS 38:9

Bad u Onan u la tip ba u symbai un ym long ïa u hi kumta haba u la leit sha ka tnga u hynmen jong u, u la ju pynjah duh ïa la u symbai ha tbian, ba ïoh un pynmih symbai ïa la u hynmen.

Ka Kitab U Job 5:2

Naba ka jingsngewshitom ka pynïap ïa u babieit, bad ka jingbishni ka pynïap ïa u bymstad.

PROBERB 14:30

Ka dohnud kaba khiah ka long jingim ïa ka doh: hynrei, ka jingbishni ka pynpyut ïa ki shyieng.

PROBERB 27:3

U maw u khia, bad u shyiap um sting; hynrei, ka jingbitar u babieit ka kham khia ïa ki baroh ar.

PROBERB 6:34

Namar ka jingskuiñ ka long ka jingbitar lep u briew; bad un ym map ha ka sngi ka jingpynhiar kput.

JINGRWAI SOLOMON 8:6

To buh ïa nga kum ka shab halor ka dohnud jong me, kum ka shab halor ka ksang'ti jong me: namar ka jingieit ka long ka bakhlaiñ kat ka jingïap; ka jingbishni ka long ka barunar kum ka jingtep: ki jingba jong ka ki long ki jingba ka ding, ka thylliej ding hi ka jong U Trai keiñ.

MATHAÏOS 27:18

Naba u la tip ba na kaba shun ki la ai noh ïa u.

KI KAM 17:5

Hynrei, kita ki Jiw da kaba sngewpihuiñ, ki la ïakhot lok ïa ki briew bathala na ki kynja bapoh, bad haba ki la pynlang paidbah, ki la ïa-pynkhihwin jlang ïa kata ka nongbah; bad haba ki la ïeng ïaleh ïa ka ïing u Jason, ki la ïapyrshang ban pynmih noh ïa ki sha uta u paidbah.

KI KAM 5:17

Te haba uta u rangbah lyngdoh u la ïeng joit, bad kita baroh kiba ïadon lem bad u, kiba long ka jaid niam ki Saddusi, la pyndap ïa ki da ka jingïa-ing;

KI KAM 7:9

“Te kita ki kthaw tymmen, ba ki da ïasngewpihuiñ ïa u Joseph, ki la die noh ïa u sha Ijipt; hynrei, U Blei u la don ryngkat bad u,

Ka Shithi U Paul Sha Ki Nong Rom 1:29

ba ki la dap da ka jingbymhok baroh, da ka jingbymman, da ka jingkhwan, da ka jingpynsniew; kiba la dap da ka jingsngewpihuiñ sat, da kaba pynïap, da kaba ïamai, da ka jingshukor, da ka jingrunar,

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.

1 SAMUEL 18:9

Te u Saul u la khmih sian ïa u Dabid naduh kata ka sngi artet.