PROBERB 27:3 - KA BAIBL

³ U maw u khia, bad u shyiap um sting; hynrei, ka jingbitar u babieit ka kham khia ïa ki baroh ar.

Khasi CL Bible (BSI)

³ Ka jingkhia u maw bad u shyiap kam long ei ei ban haba ïanujor bad ka jingjynjar kaba uba mutlop u lah ban pynjia.

PROBERB 27:3 ပူးပေါင်းရင်းမြစ်များ

JENESIS 49:7

Long ba la tim ïa ka jingbitar jong ki, naba ka la sat eh; bad ïa ka jingpynhiar kput jong ki, naba ka la i runar eh: ngan pynïakhlad ïa ki ha u Jakob, bad ngan pynsaphred ïa ki ha Israel.

Ka Kitab U Job 5:2

Naba ka jingsngewshitom ka pynïap ïa u babieit, bad ka jingbishni ka pynïap ïa u bymstad.

PROBERB 12:16

Ïa ka jingsngewsih jong u babieit la ithuh kumne kumne ruh: hynrei, u briew u basian u buhrieh ïa ka jinglehrain.

PROBERB 17:12

Lah ba ka dngiem kaba la duh la ki khun kan ïashem bad u briew, ban ïa u babieit ha la ka jingbieit.

PROBERB 27:2

Ai ba uwei pat un ïaroh ïa me, te ym ka shyntur jong me hi; u nongwei, te ym ki rmiang shyntur jong me hi.

PROBERB 27:4

Ka jingbitar ka dom, bad ka jingbitar lep ka long ka jingshlei um; hynrei, uei uba lah ban ïeng ha khmat ka jingbishni?

DANIEL 3:19

Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

JINGKHEIÑ 22:27

Te haba ka kadda ka la ïohi pat ïa uta u angel U Trai, ka la dem khop hapoh u Balaam: bad ka jingbitar u Balaam ka la khie lep, bad u la shoh ïa ka kadda da u diengduh.

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.