PROBERB 27:18 - KA BAIBL

¹⁸ Uta uba sumar ïa u dieng Dumbur un bam ïa u soh jong u: bad uta uba ap shakri ïa la u kynrad yn pyndonburom ïa u.

Khasi CL Bible (BSI)

¹⁸ Sumar bha ïa u dieng Dumbur bad phin ïoh ïa ki soh ban bam. U shakri uba sumar bha ïa la u kynrad un ïoh burom.

PROBERB 27:18 ပူးပေါင်းရင်းမြစ်များ

2 SYIEM 18:31

Wat sngap ïa u Hesekaïah: naba kumne ong u syiem ka Assyria, ‘To pynlong ka jingïasuk bad nga, bad to wan mih sha nga bad to u briew baroh un bam na la u dieng Waiñ, bad u briew baroh na la u dieng Dumbur, bad to dih u briew baroh na ki um la ka jong ka pukri;

2 SYIEM 3:11

Hynrei, u Jehoshaphat u la ong, “Ym don hangne u nongïathuhlypa jong U Trai, ba ngi lah ban ïakylli ha U Trai da u?” Bad uwei na ki shakri u syiem ki Israel u la ïathuh bad u la ong, “U Elisha u khun u Shaphat u don hangne, uba ju theh um ha ki kti u Elijah.”

2 SYIEM 5:25

Hynrei, u hi u la rung shapoh, bad u la ïeng ha khmat la u kynrad. Te u Elisha u la ong ha u, “Na-ei me wan, ko Gehasi?” U te u la ong, “U shakri jong me um shym leit shano shano.”

2 SYIEM 5:27

Namar kata, ka pang 'ñiangthohlieh u Naaman kan bit ha me, bad ha u symbai jong me junom.” Bad u la leit mih noh na khmat jong u, u bapang 'ñiangthohlieh, lieh kat ka ïor.

ESTHER 6:11

Ynda kumta, u Haman u la shim ïa kata ka jaiñkup bad ïa uta u kulai, bad u la pynphong ïa u Mordekai, bad u la pynshong kulai ïa u lyngba ka lynti bah ka nongbah, bad u la pyrta ha shuwa jong u, “Kumne yn leh ïa uta u briew uba u syiem u sngewbha ban pyndonburom ïa u.”

SALM 123:2

Ha khmih, kumba ki khmat ki shakri shynrang ki ha ka kti u kynrad jong ki, kumba ki khmat ka shakri ki ha ka kti ka kynrad jong ka: kumta ki khmat jong ngi ki khmih ïa U Trai U Blei jong ngi, haduh ba un isynei ïa ngi.

EKSODOS 24:13

Te u Moses u la ïeng, bad u Joshua u shakri jong u; bad u Moses u la leit kiew sha uta u lum jong U Blei.

PROBERB 17:2

U shakri uba leh stad un synshar halor u khun uba pynlehrain, bad un ïoh bynta hapdeng ki para na ka jinghiar pateng.

PROBERB 22:29

Me ïohi ïa u briew uba minot ha la ka kam? un ïeng ha khmat ki syiem keiñ; un ym ïeng ha khmat ki briew ki bapoh.

PROBERB 27:17

Ka nar ka shut ïa ka nar; kumta u briew u shut ïa ka khmat u lok jong u.

PROBERB 27:19

Kumba ha ka um ka khmat ka ïadei bad ka khmat, kumta ruh ka dohnud u briew bad u briew.

JINGRWAI SOLOMON 8:12

Ka brisoh jong nga, kaba long ka jong nga hi, ka don ha khmat jong nga: me, ko Solomon, men ïoh ïa ka shi hajar, bad kita kiba sumar ïa u soh jong ka, arspah.

ISAÏAH 36:16

Wat sngap ïa u Hesekaïah: namar kumne ong u syiem ka Assyria: “To ïasuk bad nga, bad to wan mih noh sha nga; bad to bam phi uwei uwei baroh na la u dieng Waiñ, bad uwei uwei baroh na la u dieng Dumbur, bad to dih phi uwei uwei baroh ïa ki um na la ka jong ka pipa.

MATHAÏOS 24:25

Ha khmih, nga la ïathuhlypa ha phi.

MATHAÏOS 24:46

Suk uta u shakri, ïa uba u kynrad jong u haba u wan un shem ba u leh kumta.

MARKOS 10:43

hynrei, kan ym long kumta hapdeng jong phi; hynrei, uno uno ruh u ban kwah ban long bakhraw hapdeng jong phi, un long u shakri jong phi,

LOUKAS 12:37

Suk kita ki shakri, ïa kiba haba u wan u kynrad, un shem ba ki dang ïasharai; shisha nga ong ha phi, ba un panpoh ïa lade, bad un pynshong bam ïa ki, bad un wan bad un shakri ruh ïa ki.

LOUKAS 12:42

Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

LOUKAS 19:17

U la ïathuh te ha u, ‘Bha me u shakri babha! naba me la long uba ngeit ha iba khyndiat eh, to men ïoh bor halor shiphew ki shnong.’

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

KI KAM 10:7

Te ynda uta u angel uba la kren ha u, u la leit noh, u la khot ar ngut na ki shakri ïing jong u, bad ïa u shipai bariewblei na kita kiba ju ïa-ap ïa u;

1 KORINTH 3:8

Te uta uba thung bad uta u ba ai um ki ïalong kawei, hynrei, uwei pa uwei un pdiang ïa la ka jong ka bainong katba kum ka jingtrei jong u hi.

1 KORINTH 9:13

Hato phim ju tip ba kita kiba ïatrei ïa kita kiei kiei ba la kyntang, ki ïoh la ka bam na ka jong kata ka ïingmane bakyntang? bad ha kita kiba ïa-ap ïa ka duwan, ki ïaïoh bynta bad kata ka duwan?

1 KORINTH 9:7

Uei uba ju leit ïaleh thma mynno mynno ruh uba bam na lade? uei u ba ju thung brisoh, bad u bym ju bam na u soh jong ka? lane uei uba ju ri ïa ka blang ka masi, bad u bym ju bam hi na ka dud jong kata ka jingri?

KOLOSSAI 3:22

Ki shakri, to kohnguh ha kiei kiei baroh ïa la ki kynrad katba kum ka doh; ym da kaba shakri ha khmat kum kiba pynsngewbha ïa ki briew, hynrei, ha kaba shi syrtap ka dohnud, da kaba sheptieng ïa U Trai.

2 TIMOTHI 2:6

Ka dei ïa u nongsumar bri uba trei minot ban ïoh nyngkong ma u na kita ki soh.

1 PETROS 2:18

Ko phi ki shakri ïing, to da pynkohnguh ïa lade ha ki kynrad jong phi da ka jingtieng burom baroh, ym tang ha kita ki babha bad bajemnud, hynrei, ha kita kiba dukhi ruh.

1 PETROS 2:21

Namar sha kane keiñ la khot ïa phi: naba U Khrist ruh u la shah na ka bynta jong ngi, da kaba iehnoh ïa ka rukom ïa ngi, khnang ba ngin ïoh bud ha kita ki jingjam jong u:

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.