PROBERB 27:10 - KA BAIBL

¹⁰ Ïa la u jong u lok, bad u lok u kpa jong me wat iehnoh noh; bad wat leit sha ka ïing u para jong me ha ka sngi ka jingjynjar jong me: lah u paramarjan uba hajan ban ïa u para uba ha jngai.

Khasi CL Bible (BSI)

¹⁰ Wat nym klet ïa la ki paralok lane ïa ki paralok u kpa jong phi. Lada phi don ha ka jingjynjar, wat ong ïa u hynmen ne para jong phi ban ïarap; u paramarjan uba hajan u lah ban ïarap ïa phi kham bha ban ïa u hynmen ne para uba sha jngai.

PROBERB 27:10 ပူးပေါင်းရင်းမြစ်များ

2 SAMUEL 19:24

Bad u Mephibosheth u khun u Saul ruh u la wan hiar ban tan ïa u syiem; te um shym la sum ïa la ki kjat, lymne shna ïa la ki tmain, lymne sait ïa la ki jaiñ, naduh kata ka sngi ba u la leit noh u syiem haduh ka sngi ba u la wan sha la ïing ha kaba suk.

2 SAMUEL 19:28

Naba ka ïing u kpa jong nga baroh ki la long tang ki riewïap ha khmat u syiem kynrad jong nga: pynban, me la buh ïa la u shakri hapdeng kita kiba bam ha ka miej jong me hi. Namar kata, nga dang don ka hok aïu ba ngan nang lynñiar shuh ha u syiem?”

2 SAMUEL 21:7

Hynrei, u syiem u la pynim ïa u Mephibosheth, u khun u Jonathan u khun u Saul, namar kata ka jingïakular U Trai kaba la don hapdeng jong ki, hapdeng u Dabid keiñ bad u Jonathan u khun u Saul.

2 KHRONIKL 24:22

Kumne u Joash uba u syiem um shym la kynmaw ïa ka jinglehbha kaba u Jehoïada u kpa jong u, u la leh ha u, hynrei, u la pynïap ïa u khun jong u. Te haba u la ïap, u la ong, “U Trai un khmih ïa kane, bad un pan ïa ka.”

PROBERB 17:17

U lok u ieit ha ki por baroh, bad ïa u para la kha khnang hamar ka jingjynjar.

PROBERB 18:24

Uta uba bun lok, ka long ba un jot ïa lade: hynrei, don u lok uba neh kham skhem ban ïa u para.

PROBERB 19:7

Baroh ki para jong u baduk ki isih ïa u: sa katno lei lei ki lok jong u kin jngai noh na u! u bud ïa ki da ki ktien, hynrei, ki la jah noh.

JEREMAÏAH 2:5

kumne u ong U Trai, “Ka jingbymhok aïu ki kpa jong phi ki la shem ha nga, ba ki la leit jngai na nga, bad ki la ïabeh ïa ka jingthala, bad ba ki la kylla thala?

KI KAM 23:12

Te ynda la mih ka sngi, kiba na ki Jiw haba ki la ïasylla lang, ki la ïateh jingsmai paralok hi ki da ïakut ban ym bam lymne dih haduh ba kin da ïoh pynïap noh ïa u Paul.

DEUTERONOMI 22:1

“Haba me ïohi ba leit sakma u masi, lane ka langbrot u para jong me, wat shu rieh ïa lade na ki; la kumno kumno ruh, men wallam pat ïa ki ha la u para.