PROBERB 26:4 - KA BAIBL

⁴ Wat phai ktien ïa u babieit katba kum ka jingbieit jong u, ïoh ba me ruh men long syriem ïa u.

Khasi CL Bible (BSI)

⁴ Lada phi jubab ïa ka jingkylli bieit, phin long kum u briew uba bieit uba kylli ïa ka.

PROBERB 26:4 ပူးပေါင်းရင်းမြစ်များ

1 SYIEM 12:14

bad u la kren ha ki kum ka jingpyni ki samla, u da ong, “U kpa jong nga u la pynkhia ïa ka lyngkor jong phi, hynrei, nga ngan nang pyntam shuh ïa ka lyngkor jong phi: u kpa jong nga u la pynshitom ïa phi da ki dieng sympat, hynrei, nga, ngan pynshitom ïa phi da ki shabuk.”

1 SYIEM 12:16

Te haba ki Israel ki la ïohi ba u syiem um pynshahshkor ha ki, u paidbah u la ïathuh ha u syiem, u da ong, “Ngi don bynta aïu ha u Dabid? lymne ngim don ka jingïoh ei ei ha u khun u Jesse: ïa, sha la ki ïingjaiñ, ko Israel; mynta te to khmih hi ïa la ka ïing, ko Dabid.” Kumta, ki Israel ki la leit noh sha la ki ïingjaiñ.

PROBERB 17:14

Ka jingsdang ka jingïaleh ka long kum haba uwei u pyllait noh ïa ka um: namar kata, to pynwai noh ïa ka jingïapyneh, katba ym pat long ka jingïakajia.

PROBERB 23:9

Wat kren ha kaba ïohsngew u babieit; naba un ñiewbeiñ ïa ka jingstad ki ktien jong me.

PROBERB 26:5

To phai ktien ïa u babieit katba kum ka jingbieit jong u, ïoh ba un long u bastad ha la ka jong ka jingñiew.

PROBERB 29:9

Lada u briew u bastad u ïasaid nia bad u briew u babieit, la u bitar, la u rkhie, kan ym don ka jingsuk shuh.

ISAÏAH 36:21

Hynrei, ki la shu sngap jar, bad kim shym la phai ktien ïa u shikyntien: namar ka hukum u syiem ka la long, da kaba ong, “Wat phai ktien ïa u.”

MATHAÏOS 7:6

“Wat ai ïa ka bakhuid ha ki ksew, lymne wat bred ïa ki mawlynnai jong phi ha khmat ki sniang, ba ïoh kin ïuh ïa ki hapoh ki kjat jong ki, bad kin phai pat, kin tar ruh ïa phi.

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.

JUDAH 1:9

Hynrei, u Mikhal u angel rangbah, mynba u dang ïa-pyneh bad u Soitan, ba u da ïasaid nia shaphang ka met u Moses, um nud ban bishar kat ban krenbeiñ ïa u, hynrei, u la ong, “To U Trai un da sneng ïa me!”