PROBERB 25:2 - KA BAIBL

² Ka long ka burom U Blei ban buhrieh ïa kaei kaei: hynrei, ka burom ki syiem ban ïit bha ïa ka kam.

Khasi CL Bible (BSI)

² Ngi burom ïa U Blei namar kaei kaba u la buhrieh; ngi burom ïa ki syiem ïa kaei kaba ki batai.

PROBERB 25:2 ပူးပေါင်းရင်းမြစ်များ

2 SAMUEL 1:5

Bad u Dabid u la kylli ïa uta u samla uba ïathuh ha u, “Kumno me tip ba ki la ïap u Saul bad u Jonathan u khun jong u?”

2 SAMUEL 14:19

Bad u syiem u la ong, “Ka kti u Joab ka don lem ne em bad pha ha kane baroh?” Te kata ka kynthei ka la ïathuh bad ka la ong, “Katba im ka mynsiem jong me, ko syiem kynrad, ym lah ban phai sha kamon lymne sha kadiang na kiei kiei baroh ba u syiem kynrad u la ong: naba u shakri jong me u Joab u la hukum ïa nga, bad u la buh ma u ïa kine ki ktien baroh ha ka shyntur ka shakri jong me:

ESRA 4:15

ba yn wad ha Ka Kitab Ki Jingkynmaw ki kpa jong me: kumta men shem ha Ka Kitab Ki Jingkynmaw, bad men tip ba kane ka nongbah ka long ka nongbah kaba shait ïaleh thma, bad kaba pynsniew ïa ki syiem bad ïa ki jylla, bad ba ha kane ki la ju pynkhih thma na mynhyndai: namar kata ka daw la pynduh noh ïa kane ka nongbah.

ESRA 4:19

Bad nga la hukum, bad la wad, bad la shem ba kane ka nongbah na mynhyndai ka ju ïakhih thma ïa ki syiem, bad ba ka jingïaleh pyrshah bad ka jingkhihwin la pynlong ha ka.

ESRA 5:17

Namar kata te, lada ibit u syiem, ai ba yn wad ha ka ïing jingkynshew u syiem, kaba ha Babilon, lada ka long kumta, ba la ai hukum da u Seiros u syiem ban tei ïa kane ka ïing U Blei ha Jerusalem, bad ai ba u syiem un phah ha ngi ïa la ka mon shaphang kane ka kam.”

ESRA 6:1

Ynda kumta, u Daraïos u syiem u la ai hukum, bad la wad ha ka ïing ki kitab, ha kaba la sumar ïa ki jingkynshew ha Babilon.

Ka Kitab U Job 29:16

Nga la long u kpa ha u bakyrduh: bad ka kam jong uta uba ngam shym la ithuh nga la tohkit bha.

Ka Kitab U Job 38:4

“Me la don ha-ei ma me haba nga la seng ïa ki nongrim jong ka khyndew? to ïathuh, lada me nang ïa ka jingshemphang.

Ka Kitab U Job 40:2

“Hato uta uba kren wad daw un ïaleh bad U Badonbor Baroh? Uta uba ïasaid nia bad U Blei, ai ba un phai ktien ïa kata.”

Ka Kitab U Job 42:3

‘Uei une uba pyndum ïa ka jingpyrkhat khlem ka jingtip?’ Namar kata, nga la kren ïa kaba ngam sngewthuh, kiei kiei kiba kham phylla ïa nga, ïa kiba ngam shym tip.

PROBERB 25:27

Kam long ka babha ban bam shibun ka ngap: kumta ba ki briew kin wad bniah ïa la ka jong ka burom kam long burom.

PROBERB 25:3

Ka bneng kaba don ka jingjrong, bad ka khyndew kaba don ka jingjylliew, bad ka dohnud ki syiem ka bym lah ïit shuh.

EKLESIASTIS 1:13

Bad nga la buh la ka dohnud ban wad bad ban ïit da ka jingstad shaphang kiei kiei baroh ba ju leh hapoh ka bneng: ka long ka jingshitom sat kaba U Blei u la ai ïa ki khun bynriew ba kin dup mlien da kata.

DEUTERONOMI 29:28

bad U Trai u la rat noh ïa ki na ka ri jong ki ha ka jingbitar, bad ha ka jingshla lep, bad ha ka jingsngewsih bakhraw, bad u la bred ruh ïa ki sha kawei pat ka ri, kumba ka long ha kane ka sngi.’

DEUTERONOMI 29:29

“Kita kiei kiei ruh kiba rieh ki dei ki jong U Trai uba U Blei jong ngi: hynrei, kita kiei kiei ruh ïa kiba la pynpaw ki dei ki jong ngi, bad jong ki khun jong ngi ha la ka rta, ba ngin ïoh leh ïa ki ktien jong kane ka hukum baroh.