PROBERB 24:16 - KA BAIBL

¹⁶ naba hynñiew sien u hap u bahok, te u ïeng pat: hynrei, ïa u bymman la pynkyllon da ka jingjynjar.

Khasi CL Bible (BSI)

¹⁶ Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

PROBERB 24:16 ပူးပေါင်းရင်းမြစ်များ

JENESIS 19:35

Kumta, ki la ïa-ai kyiad umsoh Waiñ ïa u kpa jong ki ha kata ka miet ruh: bad kata kaba kham poh ka la khie, bad ka la thiah lem bad u; te um shym la tip lymne mynba ka la wan thiah, lymne mynba ka la khie.

ESTHER 7:10

Kumta, ki la phasi ïa u Haman ha kata ka dieng phasi kaba u la khreh ïa u Mordekai. Kumta, la pynjem ïa ka jingbitar u syiem.

Ka Kitab U Job 5:19

Ha ki hynriew tylli ki jingjynjar un pynim ïa me; shisha, ha ka hynñiew ka jingsniew kan ym ktah ïa me.

SALM 34:19

Ki jingjynjar u bahok ki long shibun: hynrei, U Trai U pyllait ïa u na ki baroh.

SALM 34:21

Ka jingsniew kan pynïap ïa ki bymman: bad ïa kita kiba shun ïa ki bahok yn pynrem.

SALM 37:24

La u hap ruh, yn ym pynkyllon khoit ïa u: naba U Trai u kyrshan ïa u da la ka kti.

SALM 52:5

U Blei un pynjot kumjuh ïa me junom, un shim ïa me, bad un rat noh ïa me na la ka ïingjaiñ, bad un rat noh ïa me na ka ri ki ba-im. Selah.

SALM 7:16

Ka jingsniew jong u kan wan ngat halor ka khlieh jong u hi, bad ka jingleh-jubor jong u kan hiar ha ka lyngkyrwiang khlieh jong u hi.

SALM 79:12

bad to siew hynñiew shah ïa ki paramarjan jong ngi haduh ka shadem jong ki ïa kata ka jingkrenbeiñ, kaba ki la krenbeiñ ïa me, A Trai.

PROBERB 13:17

U nonglam-ktien uba bymman u hap ha ka jingsniew: hynrei, u nonglam-ktien uba ngeit u long ka jingkhiah.

PROBERB 13:21

Ka jingsniew ka beh nadien ki bapop: hynrei, ïa u bahok, yn ai nong da ka babha.

PROBERB 14:32

Ïa u bymman la khynñiat pynkyllon ha la ka jinglehsniew: hynrei, u bahok u don ka jingkyrmen ha la ka jingïap.

PROBERB 24:22

naba ka jynjar jong ki ka ïeng kyndit; bad uei uba tip ïa ka jingpynjot jong ki baroh ar?

PROBERB 6:15

Namar kata, ka jingjynjar jong u kan wan kyndit; ha kaba kyndit yn pynlwet ïa u, bad kata bymdon jingshna shuh.

JEREMAÏAH 18:17

Ngan pynsaphred ïa ki kum da ka lyer mihngi ha khmat u nongshun; ngan khmih ïa ka ingdong jong ki, bad ym ïa ka khmat jong ki, ha ka sngi ka jingjynjar jong ki.”

JEREMAÏAH 8:4

Nalor kata, men ong ïa ki, “Kumne u ong U Trai: Ki briew kin kyllon du, bad kin ym ïeng pat? Ju don uwei uba phai noh, bad u bym wan kylla pat?

ESEKIEL 7:5

Kumne u ong U Trai U Blei: “Ka jingsniew, ka jingsniew suda; ha khmih, ka wan.

AMOS 5:2

“Ka theisotti Israel ka la kyllon; kan ym khie shuh: la bred ei ïa ka ha la ka khyndew; ym don shuh u ban pynïeng ïa ka.”

AMOS 8:14

Kita kiba smai da ka pop ka Samaria, bad kiba ong, ‘Katba u im U Blei jong me, ko Dan’; bad, ‘Katba ka im ka rukom Beer-sheba;’ kita keiñ kin kyllon, bad kin ym ïeng shuh lano lano ruh.”

JINGKHEIÑ 32:23

Hynrei, lada phin ym leh kumne, ha khmih, phi leh pop ïa U Trai: bad to tip skhem ruh ba ka pop jong phi kan lap ïa phi.

KI KAM 12:23

Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.

1 THESSALONI 5:3

Katba ki dang ong, “Ka jingsuk bad ka jingskhembha”, ynda kumta, ka jingjot bakyndit kyndit kan ngat ha ki, kum ka jingsuh khun ha ka briew kaba punkhun; bad kin ym ïohlait shuh da lei lei.

1 SAMUEL 26:10

U Dabid u la ong ruh, “Katba im U Trai, U Trai hi un shoh ïap ïa u; lane kan poi hi ka sngi jong u ïa ka ban ïap; lane un hiar thma, bad un ïap.

1 SAMUEL 31:4

Ynda kumta, u Saul u la ong ha uta uba rah ïa ki atiar jong u, “To sei ïa la ka waitlam, bad to dung peib'la ïa nga da ka; ïoh kine ïa ki bym shym la otsher kin wan bad dung peib'la ïa nga, bad ba kin lehbeiñ ïa nga.” Hynrei, uta u nongrah atiar jong u um treh, namar ba u la sheptieng eh. Namar kata, u Saul u la shim ïa la ka waitlam, bad u la hap halor jong ka.