PROBERB 23:9 - KA BAIBL

⁹ Wat kren ha kaba ïohsngew u babieit; naba un ñiewbeiñ ïa ka jingstad ki ktien jong me.

Khasi CL Bible (BSI)

⁹ Wat pyrshang ban kren tipbriew ha uba bieit; um lah ban ïaroh ïa ka.

PROBERB 23:9 ပူးပေါင်းရင်းမြစ်များ

PROBERB 1:7

Ka jingsheptieng ïa U Trai ka long ka jingsdang ka jingtip: hynrei, ki babieit ki ñiewbeiñ ïa ka jingstad bad ka jinghikai.

PROBERB 14:7

Khie leit ha khmat u briew u babieit, te men ym ïohi ha u ïa ki rmiang shyntur ka jingtip.

ISAÏAH 36:21

Hynrei, ki la shu sngap jar, bad kim shym la phai ktien ïa u shikyntien: namar ka hukum u syiem ka la long, da kaba ong, “Wat phai ktien ïa u.”

MATHAÏOS 7:6

“Wat ai ïa ka bakhuid ha ki ksew, lymne wat bred ïa ki mawlynnai jong phi ha khmat ki sniang, ba ïoh kin ïuh ïa ki hapoh ki kjat jong ki, bad kin phai pat, kin tar ruh ïa phi.

LOUKAS 16:14

Kita ki Pharisi ruh, kiba ieit sbai eh, ki la ïohsngew ïa kine kiei kiei baroh, te ki la pynran beiñ ïa la ki khmut ïa u.

ÏOANNIS 10:20

Shibun na ki te ki la ïa-ong, “U don u ksuid, bad u la lamwir; hato balei phi ïasngap ïa u?”

ÏOANNIS 8:52

Namar kata, ki Jiw ki la ïa-ong ha u, “Mynta ngi ïatip ba me don u ksuid. U Abraham u la ïap noh, bad ki nongïathuhlypa ruh; me pynban me ong, ‘Lada uno uno ruh un sumar ïa ka ktien jong nga, un ym mad ïa ka jingïap lano lano ruh!’

ÏOANNIS 9:40

Kiba na ki Pharisi te kiba ïadon lem bad U, ki la ïohsngew ïa kine kiei kiei ruh, bad ki la ïakylli ïa U, “Ngi ruh ngi long te ki bamatlah?”

KI KAM 17:18

Bad la don ki riewstad na ki Epikuri bad na ki Stoik kiba la ïaleh nia bad u: te don kiba la ïa-ong, “Ine iba blab blab i mon ban ong aïu?” Hynrei, kiwei pat, “U i kumba u long u nongïalap ïa ki blei khyllah”; naba u la ïalap ïa U Jisu bad ïa ka jingmihpat.

KI KAM 17:32

Te haba ki la ïohsngew shaphang ka jingmihpat ki baïap, don kiba la beiñ; hynrei, kiwei pat ki la ong, “Ngin ïasngew ïa me pat shaphang kane.”