To kren, “Kumne u ong U Trai, ‘Ki metïap ki briew kin kyllon kum ka kynsha halor ka khmat ka khyndew, bad kum kata ka shi kham hadien u nongot Kew, te ym don ba khar ïa ki.’ ”
te ki jingkhuslai kane ka pyrthei, bad ka jingshukor ka spah, bad ki jingikwah eh shaphang kiwei kiwei de, haba ki ïaleit hapoh, ki ïakjap ïa kata ka ktien, te kam sei soh shuh.
Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”
Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.
To long kiba ïamut ïa kajuh paralok hi; to wat ïaimut brai ïa kiei kiei ruh ki jinglong meng, hynrei, to pynryngkat ïa lade bad ki barit. Wat long phi kiba tharai stad ïa lade hi.
To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”