PROBERB 22:7 - KA BAIBL

⁷ U riewspah u synshar halor u baduk, bad uba shim ram u long u shakri uba ai ram.

Khasi CL Bible (BSI)

⁷ Ki briew kiba duk ki long ki mraw jong u briew bariewspah, pan kylliang pisa bad phin long u mraw jong u nongai ram.

PROBERB 22:7 ပူးပေါင်းရင်းမြစ်များ

2 SYIEM 4:1

Te kawei ka kynthei na ki tnga ki khun ki nongïathuhlypa ka la pyrta ha u Elisha, ka da ong, “U shakri jong me u tnga jong nga u la ïap: bad me tip ba u shakri jong me u la sheptieng ïa U Trai: bad u nongshah ram u la wan ban ring mraw ha u ïa ki khun shynrang jong nga baroh ar ngut.”

PROBERB 14:31

Uta uba banbeiñ ïa u baduk u pynlehrain ïa la U Nongthaw: hynrei, uba isynei ïa u bakyrduh u pyndonburom ïa U.

PROBERB 18:23

U baduk u ïakyrpad: hynrei, u bariewspah u phai ktien da kaba eh.

PROBERB 22:16

Uta uba banbeiñ ïa u baduk ban pynroi ïa la ka nong, bad uba ai ha u bariewspah, u ïoh tang ka jingkyrduh.

PROBERB 22:22

Wat lute ïa u baduk, namar ba u long u baduk, lymne wat banbeiñ ïa u bajynjar ha ka khyrdop:

ISAÏAH 24:2

Te kan jia, ba kumba bad u paidlang, kumta ruh bad u lyngdoh; kumba bad u shakri, kumta ruh bad u kynrad jong u; kumba bad ka shakri, kumta ruh bad ka kynrad jong ka; kumba bad u nongthied, kumta ruh bad u nongdie; kumba bad u nongai kylliang, kumta ruh bad u nongshim kylliang; kumba bad u nongshim sut, kumta ruh bad uba ai sut ha u.

AMOS 2:6

Kumne u ong U Trai: “Namar lai tylli ki jingryngkang ki Israel, shisha, namar saw tylli, ngan ym pynphai noh ïa ka jingpynshitom na ki; namar ki la die noh ïa u bahok namar ka rupa, bad ïa u baduk namar shi jur ki khulom:

AMOS 4:1

“To sngew ïa kane ka ktien, phi ki masi ka Bashan, kiba shong ha u lum Samaria, kiba lehbeiñ ïa u baduk, kiba khñiot ïa u bakyrduh, kiba ong ha ki trai jong ki, ‘Wallam, bad to ngin ïadih.’

AMOS 8:4

“To sngew ïa kane, A phi ki ban da ïuh roit ïa ki bakyrduh, bad ki ban da pynduh noh ïa ki baduk jong ka ri,

AMOS 8:6

ba ngin thied ïa ki baduk da ka rupa, bad ïa ki bakyrduh da ki juti shi jur, bad die ïa ka synrum Kew.’ ”

MATHAÏOS 18:25

Hynrei, haba um don ban siew, u kynrad jong u, u la hukum ban die noh ïa u, bad ïa ka tnga jong u, bad ïa ki khun, bad ïa kiei kiei baroh kat kiba u don, ban siew noh ïa kata ka ram.

JAKOB 2:6

Hynrei, ma phi pleng phi la ñiewbeiñ ïa uta u baduk. Hato kita ki bariewspah kim ban shitom ïa phi, bad kim ring ma ki hi ïa phi sha khmat ki khet bishar?

JAKOB 5:1

To mynta phi ki bariewspah, to ïam da lynñiar eh namar kita ki jinglanot khop jong phi kiba wan ha phi.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.