PROBERB 22:5 - KA BAIBL

⁵ Ki dieng shiah bad ki jingriam ki don ha ka lynti jong uba mutlop: uta uba sumar ïa la ka mynsiem un long jngai na ki.

Khasi CL Bible (BSI)

⁵ Lada phi ieit ïa la ka jingim, phet krad na ki jingriam kaba pynngat ïa u bymman ha ka lynti ïaid.

PROBERB 22:5 ပူးပေါင်းရင်းမြစ်များ

Ka Kitab U Job 18:8

Naba la bred ïa u ha ka jar da la ki jong ki kjat, bad u ïaid halor ki jonti.

SALM 11:6

Halor ki bymman un pynhap slap da ki jingriam; ka ding bad u kyndok bad ka lyer bashit kyr-ang kan long ka bynta ka khuri jong ki.

SALM 91:1

Uta uba shong ha ka jaka barieh jong U Bahakhlieh Tam Eh, un ïoh ïaineh hapoh ka jingkah jong U Badonbor Baroh.

PROBERB 13:15

Ka jingshemphang ka babha ka pynïoh ka jingisynei: hynrei, ka lynti u nongshetkylla ka long kaba sohkhroh.

PROBERB 13:3

Uta uba sumar ïa la ka shyntur u ri ïa la ka jingim: hynrei, uba plie wang ïa la ki rmiang shyntur un ïoh ka jingjot.

PROBERB 15:19

Ka lynti jong uba alhia ka long kum ka jingker kaba da ki dieng shiah: hynrei, ïa ka lynti ïaid jong uba beit la pynlong ka lynti bah.

PROBERB 16:17

Ka lynti bah jong uba beit ka long ban kynriah na ka basniew: uta uba sumar ïa la ka lynti, u ri kyndong ïa la ka mynsiem.

PROBERB 19:16

Uta uba sumar ïa ka hukum u sumar ïa la ka mynsiem: hynrei, u bymsuidñiew ïa la ki lynti, un ïap.

PROBERB 22:4

Ka nong ka jingsngewrit bad ka jingsheptieng ïa U Trai long ka spah, bad ka burom, bad ka jingim.

PROBERB 29:6

Ha ka jingpalat u riewbymman don ka jingriam: hynrei, u bahok u rwai bad u shadkmen.

PROBERB 4:19

Ka lynti ki bymman ka long kum ka jingdum: kim tip ha-ei ki ïajynthut.

JOSHUA 23:13

to tip da shisha ba U Trai U Blei jong phi un ym beh shuh ïa kine ki jaid bynriew na khmat jong phi; hynrei, kin long ki shangkhawiah bad ki jingriam ïa phi, bad ki jingsympat ha ki krung jong phi, bad ki shiah ha ki khmat jong phi, ha ban da phin duh noh na kane ka ri ka babha kaba U Trai U Blei jong phi u la ai ha phi.”

1 ÏOANNIS 5:18

Ngi tip ba uwei pa uwei baroh ïa uba la kha na U Blei, um leh pop shuh; hynrei, uta ïa uba la kha na U Blei, u ri noh ïa lade, te uta u basniew um ktah ïa u.