PROBERB 22:4 - KA BAIBL

⁴ Ka nong ka jingsngewrit bad ka jingsheptieng ïa U Trai long ka spah, bad ka burom, bad ka jingim.

Khasi CL Bible (BSI)

⁴ To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

PROBERB 22:4 ပူးပေါင်းရင်းမြစ်များ

PROBERB 19:23

Ka jingsheptieng ïa U Trai ka lam sha ka jingim: bad uta ha uba ka don un neh ha ka jinghun; yn ym pynwan ïa ka jingsniew ha u.

PROBERB 21:20

Don ka jingkynshew kaba kordor bad ka umphniang ha ka ïingshong jong u bastad; hynrei, u briew u babieit u shu nguid ïa ka.

PROBERB 21:21

Uta uba beh ïa ka hok bad ka jingisynei u shem ïa ka jingim, ïa ka hok, bad ka burom.

PROBERB 22:3

U briew u basian u ïohi ïa ka basniew, bad u buhrieh ïa lade: hynrei, u bymsian u shu nang ïaid, bad u shah shitom namar kata.

PROBERB 22:5

Ki dieng shiah bad ki jingriam ki don ha ka lynti jong uba mutlop: uta uba sumar ïa la ka mynsiem un long jngai na ki.

PROBERB 29:23

Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

PROBERB 3:16

Ka jingslem ki sngi ka don ha ka kti kamon jong ka; ha ka kti kadiang jong ka ki don ki spah bad ka burom.

PROBERB 31:30

Ka jingitynnad ka long ka jingshukor, bad ka jingbhabriew ka long kaba thala: hynrei, ka kynthei kaba sheptieng ïa U Trai, kata ka ban ïoh ïaroh.

ISAÏAH 33:6

Te kan long ka jingskhem ha ki por jong me, ka jingdap kyrhai ka jingpynim, ka jingstad bad ka jingtip: ka jingsheptieng ïa U Trai ka long ka jingkynshew jong u.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

DANIEL 4:36

“Ha kata hi ka por, ka jingshemphang jong nga ka la wan phai sha nga; bad na ka bynta ka burom ka hima jong nga, ka burom syiem bad ka jingitynnad jong nga ki la wan phai pat sha nga; bad ki riewsaid jong nga bad ki rangbah jong nga ki la ïawad ïa nga; bad la pynskhem ïa nga ha ka hima jong nga, bad ka jingkhraw bor la pynlang ha nga.

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

1 TIMOTHI 4:8

Namar ka jingpynmlien ïa ka met, ka myntoi tang khyndiat; hynrei, kata ka jingriewblei, ka pynmyntoi sha kiei kiei baroh; naba ka don ka jingkular ïa ka jingim kaba mynta, bad ïa kata ka ban sa wan.

JAKOB 4:10

To phin pynrit ïa lade ha khmat U Trai, te un pynkhraw ïa phi.

JAKOB 4:6

Hynrei, u ai ïa ka jingaiei ba kham bun: naba kumta la ong: “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”