PROBERB 22:23 - KA BAIBL

²³ naba U Trai un ïasaid ïa ka kam jong ki, bad un lute ïa ka jingim jong kiba lute ïa ki.

Khasi CL Bible (BSI)

²³ U Trai un ïasaid ïa ka kam jong ki na ka bynta jong ki, bad un byrngem ïa ka jingim jong uno uno uba byrngem ïa ki.

PROBERB 22:23 ပူးပေါင်းရင်းမြစ်များ

SALM 103:6

U Trai u leh ïa ki jinglehhok, bad ki jingbishar ïa kita baroh ba la banbeiñ.

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

SALM 12:6

Ki ktien U Trai ki long ki ktien ki bakhuid; kum ka rupa ba la phrang ha ka shlem ha ka khyndew, ba la pynkhuid hynñiew sien.

SALM 140:12

Nga tip ba U Trai un da ïa ka kam jong u bajynjar, bad ïa ka hok jong u barangli.

SALM 140:13

Da shisha u bahok un ainguh ïa ka kyrteng jong me: uba beit un ïoh shong ha khmat jong me.

SALM 35:1

To ïa-pyneh ma me, A Trai, bad kita kiba ïa-pyneh bad nga: to ïaleh ma me ïa kita kiba ïaleh ïa nga.

SALM 35:10

Ki shyieng jong nga baroh kin ong, “Ko Trai, uei uba kum ma me, uba pyllait ïa u baduk na uta uba kham khlaiñ ïa u, bad ïa u baduk bad ïa u barangli na uta uba lute ïa u!”

SALM 43:1

To bishar ïa nga, A U Blei, to ïasaid ïa ka kam jong nga, pyrshah ïa ka jaid bynriew bymriewblei: A to pyllait ïa nga na uta u briew uba shukor bad bymhok.

SALM 68:5

U kpa ki khunswet, bad u nongbishar ki riewkynthei, u long U Blei ha ka jaka shong ka bakhuid jong u.

EKSODOS 22:22

Wat banbeiñ ïa kano kano ruh ka riewkynthei, lane ïa ki khunswet.

EKSODOS 22:23

Lada men lehbeiñ ïa ki ha kano kano ka rukom, bad ba kin shu kyrpad ha nga, nga da shisha ngan sngap ïa ka jingkyrpad jong ki;

PROBERB 21:7

Ka jingleh-jubor ki bymman kan rong noh ïa ki; namar ba kim treh ban leh ïa ka jingbishar.

PROBERB 23:11

naba u nongsiewspah jong ki u long uba khlaiñ; un ïasaid ïa ka kam jong ki pyrshah ïa me.

ISAÏAH 33:1

Kordit ïa me uba lute, te ïa me ym shym la lute; bad uba leh shukor, te kim shym la leh shukor ïa me! Ynda me la wai noh ban lute, yn sa lute ïa me; bad ynda me la pynkut noh ban leh shukor, kin sa leh shukor ïa me.

JEREMAÏAH 30:16

Namar kata, ïa kita baroh kiba bam duh ïa me yn bam duh noh; bad ki nongshun jong me baroh uwei pa uwei na ki kin leit sha ka jinglongmraw; ba kita kiba pynjot ïa me kin long ka jingjot, bad ïa kita baroh kiba lute ïa me ngan ai ban long ka jinglute.

JEREMAÏAH 50:34

U Nongpynim jong ki u long u bakhlaiñ; ‘U Trai ki paid’ long ka kyrteng jong u: un ïasaid lut ïa ka kam jong ki, ba un pynjahthait ïa ka khyndew, bad ba un pynkhih ïa kiba shong ha Babilon.

JEREMAÏAH 51:36

Namar kata, kumne u ong U Trai: “Ha khmih, ngan ïasaid ïa ka kam jong me, ngan pynhiar kput na ka bynta jong me; bad ngan pynrngad ïa ka duriaw jong ka, bad ngan pynrngad ïa ka pukri jong ka.

MIKAH 7:9

Ngan shah ïa ka jingbitar U Trai, namar nga la leh pop ïa u; tad ynda un ïasaid ïa ka kam jong nga, bad un leh ïa ka jingbishar na ka bynta jong nga: un pynmih noh ïa nga sha bashai, te ngan ïohi ïa ka hok jong u.

HABAKKUK 2:8

Namar ba me la lute shibun ki jaid bynriew, kita kiba sah baroh na kita ki kynja bynriew kin lute ïa me; namar ka snam ki briew, bad namar ka jingleh-jubor ba la leh ha ka ri, ha ka nongbah bad ha kita baroh kiba shong ha ka.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

1 SAMUEL 24:12

To U Trai un bishar hapdeng jong nga bad jong me, bad to U Trai un pynhiar kput ïa nga halor jong me: hynrei, ka kti jong nga kan ym long halor jong me.

1 SAMUEL 24:15

Namar kata, to U Trai un long nongbishar, bad to un bishar hapdeng jong nga bad jong me, to un khmih ruh, bad un ïasaid ïa ka hok jong nga, bad pyllait ïa nga na ka kti jong me.”

1 SAMUEL 25:39

Te haba u Dabid u la ïohsngew ba la ïap u Nabal, u la ong, “Long ba la kyrkhu U Trai, uba la ïasaid ïa ka daw ka jingjahburom jong nga na ka kti u Nabal, bad uba la khang ïa la u shakri na kaba leh sniew: naba U Trai u la pynphai ïa ka jinglehsniew u Nabal halor ka khlieh jong u hi.” Bad u Dabid u la phah ïakren bad ka Abigail, ïa ka ban shim kurim ïa ka.