PROBERB 22:16 - KA BAIBL

¹⁶ Uta uba banbeiñ ïa u baduk ban pynroi ïa la ka nong, bad uba ai ha u bariewspah, u ïoh tang ka jingkyrduh.

Khasi CL Bible (BSI)

¹⁶ Lada phi ai sngewbha sha ki briew kiba riewspah lane banbeiñ ïa kiba duk ban ïoh riewspah, phin long uba duk ïa lade.

PROBERB 22:16 ပူးပေါင်းရင်းမြစ်များ

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

PROBERB 14:31

Uta uba banbeiñ ïa u baduk u pynlehrain ïa la U Nongthaw: hynrei, uba isynei ïa u bakyrduh u pyndonburom ïa U.

PROBERB 28:22

U briew u basniew ka khmat u beh kyrkieh ïa ka spah, bad um tip ba ka jingkyrduh kan wan lap ïa u.

PROBERB 28:3

U briew u bakyrduh uba banbeiñ ïa u baduk u long kum u 'lap bah 'lap san u bympynsah ka jingbam.

EKLESIASTIS 5:8

Lada men ïohi ïa ka jingbanbeiñ ïa u baduk, bad ïa ka jingpynduh ïa ka jingbishar bad ïa ka hok ha ka ilaka, wat sngewkyndit shaphang kata: namar uta uwei uba kham ha khlieh ban ïa uba ha khlieh u khmih; bad don uba kham ha khlieh ban ïa ki.

LOUKAS 16:24

Te u la pyrta bad u la ong, ‘Ko Kpa Abraham, to isynei ïa nga, to phah ruh ïa u Lasaros ba un wieh ïa ka khmut shynriah'ti jong u ha ka um, ba un ïoh pynkhriat ïa u thylliej jong nga; naba la pynkordit ïa nga ha kane ka thylliej ding.’

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.