PROBERB 22:10 - KA BAIBL

¹⁰ To shop noh shabar ïa u nongrkhiebeiñ, te ka jingïapyneh kan mih shabar; ka jingïamai bad kaba jahburom kin duh noh ruh.

Khasi CL Bible (BSI)

¹⁰ Phet noh na u briew uba shukor, bad nangta yn ym don shuh ki jingïakajia, ka jingïamai lane ka jingsin kyrteng.

PROBERB 22:10 ပူးပေါင်းရင်းမြစ်များ

NEHEMAÏAH 13:28

Te uwei na ki khun u Joïada, u khun u Eliashib u rangbah lyngdoh, u la long u pyrsa kurim u Sanballat u nong Horon; namar kata, nga la beh noh ïa u na nga.

SALM 101:5

Jar uba kren siar ïa la u paramarjan harieh harieh, ïa uta ngan pynduh noh: uta uba imeng bad uba sarong la ka dohnud, ngan ym shah.

PROBERB 18:6

Ki rmiang shyntur jong u babieit ki bsut sha ka jingïapyneh, bad ka shyntur jong u ka dawa ïa ki jingsympat.

PROBERB 21:24

Uba sarong bad uba sngewmeng, “U nongrkhiebeiñ” long ka kyrteng jong u, u trei ha ka jingsngewkhraw ka jingsarong.

MATHAÏOS 18:17

Te lada um treh ban sngew ïa kita, to ïathuh ha ka balang; te lada um treh ban sngew ïa kata ka balang ruh, to ai un long ïa me kum u Jentil bad u nongkhrong.

1 KORINTH 5:13

hynrei, ïa kita kiba shabar, U Blei keiñ u bishar. Te kumta, to phin ïa-pynmih noh ïa uta u bymman napdeng jong phi.

NONGBISHAR 9:55

Te haba ki rangbah Israel ki la ïohi ba la ïap u Abimelekh, ki la leit noh uwei uwei sha la ka jaka.