PROBERB 21:8 - KA BAIBL

⁸ Ka lynti jong uta uba kit pop ka long kaba 'dor eh: hynrei, u bakhuid te, ka kam jong u ka long kaba beit.

Khasi CL Bible (BSI)

⁸ Ki briew kiba pop ki ïaid ka lynti kyllaiñ; hynrei kiba lui lui ki ïaid ha kaba beit.

PROBERB 21:8 ပူးပေါင်းရင်းမြစ်များ

JENESIS 6:12

Te U Blei u la khmih ïa ka pyrthei, bad, ha khmih ruh, ka la pyut sniew; naba ka doh baroh ka la lah pynpyut plak ïa la ka lynti ha ka pyrthei.

PROBERB 15:26

Ki jingpyrkhat ki basniew ki long ka jingijli ha U Trai: hynrei, ki ktien kiba bang ki long ki bakhuid.

PROBERB 2:15

kiba kynriang ha la ki lynti, bad kiba mutlop ha la ki lynti ïaid:

PROBERB 21:9

Lah kaba shong ha kyndong halor ïing, ban ïa ha ka ïing kaba kylluid lem bad ka kynthei kaba ïakajia.

PROBERB 30:12

Don ka pateng bynriew ka bakhuid ha la ka jong ka jingñiew, te pynban ym shym la sait ïa ki na ka jingtngit jong ki.

EKLESIASTIS 7:29

Ha khmih, tang kane ba nga la shem, ba U Blei u la thaw hok ïa u briew; ki, hynrei, ki la wad bun ki buit.”

EKLESIASTIS 9:3

Kane ka long ka basniew ha kiei kiei baroh ba ju leh hapoh ka sngi, ba kajuh hi ka jia ha baroh: shisha ruh, ka dohnud u khun bynriew ka la dap da ka basniew, bad ka jinglamwir ka don ha ka dohnud jong ki katba ki dang im, bad hadien kata ki leit sha ki baïap.

ISAÏAH 26:7

Ka lynti ki bahok ka long ka jingbeit: ma me uba beit, me ju ïalam ïa ka lynti jong u bahok.

ISAÏAH 59:8

Ïa ka lynti ka jingsuk kim tip; ym don ruh ka jingbishar ha ki jingïaid jong ki: ki la pynlong na ka bynta ïa lade ïa ki lynti bakyllaiñ; uno uno uba ïaid nangta un ym tip ïa ka jingsuk.

DANIEL 12:10

Bun kin pynkhuid ïa lade, bad pynlong lieh ïa lade, bad yn phrang ïa ki; hynrei, ki bymman kin ïai-leh bymman; bad yn ym don na ki bymman u ban sngewthuh: hynrei, kita ki bastad kin sngewthuh.

MATHAÏOS 12:33

“Lane phin tharai babha ïa u dieng, bad ïa u soh jong u ruh; lane phin tharai basniew ïa u dieng, bad ïa u soh jong u ruh: naba ïa u dieng yn ithuh na u soh jong u.

MATHAÏOS 5:8

“Suk ki bakhuid ha ka dohnud: naba kin ïohi ïa U Blei.

KI KAM 15:9

te um shym la pynïapher ei ei ruh hapdeng jong ngi bad jong ki, ba u da pynkhuid ïa ki dohnud jong ki da ka jingngeit.

1 KORINTH 3:3

Namar phi dang long kiba kynja doh: naba haba don hapdeng jong phi ka jingpihuiñ bad ka jingïania, phim long te kiba kynja doh, bad phi ïaid katba kum ka rukom briew?

TITOS 1:15

Kiei kiei baroh ki long khuid ha kita ki bakhuid: hynrei, ha kita ïa kiba la pyntngit bad ki bymngeit, kaei kaei ruh em kam long khuid; hynrei, la pyntngit ïa ka jingmut bad ïa ka jingïatiplem jong ki.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.

TITOS 3:5

u la pynim ïa ngi, ym na ki jingleh ka hok kiba ngi hi, ngi la leh, hynrei, katba kum ka jingisynei jong u, da ka jingsait ka jingkha ar sien, bad ka jingpynthymmai U Mynsiem Bakhuid,

1 ÏOANNIS 2:29

Lada phi tip ba u long u bahok, phi tip ba uwei pa uwei baroh uba ïai-leh ïa ka hok, la kha ïa u na u.

1 ÏOANNIS 3:3

Te uwei pa uwei baroh uba don kane ka jingkyrmen ha u, u pynkhuid ïa lade, kat kumba ma u, u long u bakhuid.