PROBERB 21:1 - KA BAIBL

¹ Ka dohnud u syiem ka long ha ka kti U Trai kum ki jingpun um: u pynphai ïa ka kat shaba u mon.

Khasi CL Bible (BSI)

¹ U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

PROBERB 21:1 ပူးပေါင်းရင်းမြစ်များ

2 SYIEM 19:33

Na ka lynti ba u la wan, na kajuh hi un leit phai pat, bad un ym wan sha kane ka shnong,’ ” ong U Trai.

ESRA 1:1

Te ha ka snem ka banyngkong jong u Seiros u syiem ka Persha, khnang ba yn pyndep ïa ka ktien U Trai da ka shyntur u Jeremaïah, U Trai u la pynkhih ïa ka mynsiem u Seiros u syiem ka Persha, kat ban pynlong ka jingpynbna ha ka hima jong u baroh kawei, bad ban buh ïa kata ha kaba thoh de, kaba ong,

ESRA 1:2

“Kumne u ong u Seiros u syiem ka Persha, ‘U Trai, U Blei ki bneng, U la ai ha nga ïa ki hima ka pyrthei baroh; bad U la hukum ïa nga ban tei ka ïing ïa U ha Jerusalem, kaba ha Judah.

ESRA 6:22

bad ki la rakhe ïa Ka Jingkhawai Niam U Kpu Bakhlem Thiat, hynñiew sngi da kaba kmen: namar U Trai u la pynkmen ïa ki, bad u la pynkylla ïa ka dohnud u syiem ka Assyria sha ki, ban pynkhlaiñ ïa ki kti jong ki ha ka kam ka ïing U Blei, U Blei ki Israel.

NEHEMAÏAH 1:11

A Trai, nga kyrpad ïa me, to pynshah mynta ïa ka shkor jong me ha ka jingduwai u shakri jong me, bad ha ki jingduwai ki shakri jong me, kiba sngewbha ban sheptieng ïa ka kyrteng jong me; bad pynman bha, nga kyrpad ïa me, ïa la u shakri ha kane ka sngi, bad ai ka jingisynei ha u ha khmat une u briew.” Namar nga la long u nongrah khuri ïa u syiem.

NEHEMAÏAH 2:4

Ynda kumta, u syiem u la ong ha nga, “Kaei me kyrpad?” Hangta nga la duwai ha U Blei ka bneng.

NEHEMAÏAH 2:8

bad ïa ka shithi ha u Asaph u nongap ka khlaw syiem, ba un ai ha nga ïa ki dieng ban shna khung ïa ki khyrdop ka ïingsyiem kiba dei ïa kata ka ïing bad ïa ka kynroh ka nongbah, bad ïa ka ïing sha kaba ngan rung.” Bad u syiem u la ai ha nga, katba kum ka kti babha U Blei jong nga kaba halor jong nga.

ESTHER 2:17

Bad u syiem u la ieit ïa ka Esther nalor kita ki kynthei baroh, bad ka la ïoh burom bad ka jingsngewbha ha khmat jong u kham tam ban ïa kita ki theisotti baroh; katba u la pynphong ïa ka pansngiat syiem halor ka khlieh jong ka, bad u la pynlong syiem ïa ka ha jaka ka Phasti.

SALM 105:25

U la pynkylla ïa ka dohnud jong ki ban shun ïa ki briew jong u, ïa ka ban leh sianti ïa ki shakri jong u.

SALM 106:46

U la pynlong ruh ba kita baroh kiba la ring mraw ïa ki, ki la isynei ïa ki.

SALM 114:3

Ka duriaw ka la ïohi ïa kane, te ka la phet noh; ka Jordan ka la leit phai noh.

SALM 114:5

Pha la lei, ko duriaw, ba pha shu phet noh? Pha ruh ka Jordan, ba pha shu leit phai noh?

SALM 74:15

Me la thlieh ïa ki pukri bad ïa ka jingshlei: me la pynrngad ïa ki wah ki bakhraw.

SALM 93:4

Tam ïa ki jingsawa shibun ki um, ïa ki jingat phyllung kiba khlaiñ ka duriaw, U Trai halor jrong u long uba khlaiñ.

EKSODOS 7:3

Te ngan pyneh ïa ka dohnud u Pharaoh, bad ngan pynbun ïa ki dak khyllah bad ïa ki jingphylla jong nga ha ka ri Ijipt.

PROBERB 16:1

Ki jingpynkhreh ka dohnud ki dei ki jong u briew: hynrei, ka jubab jong u thylliej ka long na U Trai.

PROBERB 16:9

Ka dohnud u briew ka pyrkhat ïa ka lynti jong u: hynrei, U Trai uba ïalam ïa ki jingjam jong u.

PROBERB 20:24

Ki jingleit u briew ki long na U Trai; kumno te ba u briew u lah ban sngewthuh ïa la ka lynti?

ISAÏAH 43:19

Ha khmih, ngan leh kaei kaei ka bathymmai; mynta kan mih noh; phin ym tip ïa ka? Ngan pynlong ka lynti ha ka ri khlaw keiñ, bad ki wah ha ka ri kynjah.

ISAÏAH 44:27

uba ong ha kaba jylliew, ‘To rngad noh, te ngan pynrngad ïa ki wah jong pha’:

JEREMAÏAH 39:12

“To shim ïa u, bad khmih bha ïa u, bad wat pynmynsaw ei ei ïa u; hynrei, leh ïa u katba un ong ïa me keiñ.”

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

KI KAM 7:10

bad U la pyllait ïa u na ki jingjynjar jong u baroh, bad U la ai ha u, ka jingpynieit bad ka jingstad ha khmat u Pharaoh u syiem ka Ijipt, bad u la thung nongsynshar ïa u halor ka Ijipt, bad halor ka ïing jong u baroh.

JINGPYNPAW 16:12

Bad uta u bahynriew u la theh noh ïa ka pliang jong u halor kata ka wah bakhraw, ka Ïuphratis; te ka um jong ka, ka la rngad noh, ba yn ïoh khreh ïa ka lynti bah ïa ki syiem kiba na mihngi.

JINGPYNPAW 16:4

Bad uta u balai u la theh noh ïa ka pliang jong u sha kita ki wah bad sha kita ki pukri um; te ki la kylla long ka snam.